Debleskri gili 24:2 - O Debleskro Drom 2021 (Sinte)

² Job kras lat un tchiwas lat pral o baro pani, un rikras lat soreles pral i panja.

O Debleskro Lab 2024 (Sinte-Manouche)

² Yob kras lat oun čivas lat pral o baro pani, oun rikras lat zoreles pral i panya.

Debleskri gili 24:2 ပူးပေါင်းရင်းမြစ်များ

1. Mose 8:22

Jaake rah, har i phub koi hi, witsrenn le djob ap i phub un anenn le pale newo djob dren. Jaake rah, har i phub koi hi, atchenna shilapen un tatepen, nijal un wend, diwes un rati.”

Hiob 38:4

Kai hals tu, har me i phub krom? Pen les mange, te djineh les tu?

Debleskri gili 136:6

Job tchiwas i phub pral o pani wergel. Leskro latchepen atchella hako tsireske!

Debleskri gili 33:6

Dran o lab o baro Deblestar was o bolepen kerdo. Dran o ducho, hoi dran leskro mui djas, wan i tsele bolepangre momlia kerdo.

Debleskri gili 89:12

O bolepen, tiro hi lo, un i phub, tiri hi li, un tu kral lauter, hoi dren hi.

Debleskri gili 93:1

O baro Dewel hi o baro rai. Railepen un soor hi trul leste har i ripen. Job kras i phub jaake te hi li soreles tardo.

Debleskri gili 95:4

An leskro wast hi o telstunepen i phubjatar, un i bareder berge hi ninna leskre.

Debleskri gili 96:10

Penenn i tsele menshenge: O baro Dewel hi o baro rai. Job kras i phub, te well li soreles tardo. Job hi o tchatchepaskro rai pral i tsele themma un djal pal o tchatchepen.

Jeremia 5:22

Hi tumen kek traash mandar, putchell o baro Dewel. Trissenn tumer gar glan mande? Me krom, te atchell o baro pani ap jek platsa, un tchiwom santa koi glan. Koi hunte atchell o pani hako tsiro, un dureder nai nashell lo gar. Ninna te well ko pani jaake diwjo, un djal pral un tele, nai djal lo gar dureder.