Debleskri gili 24:1 - O Debleskro Drom 2021 (Sinte)

¹ I gili o Davidestar. O baro Debleske hi i phub un lauter, hoi koi pre hi, awa, i tseli phub un kolla, kai kote djiwenna.

O Debleskro Lab 2024 (Sinte-Manouche)

¹ I gili o Davidestar. O baro Debleske hi i phoub oun lauter, hoy koy pre hi, ava, i tseli phoub oun kolla, kay kote djivenna.

Debleskri gili 24:1 ပူးပေါင်းရင်းမြစ်များ

1. Familjakro liil 29:11

Baro Dewel, tu hal o baro rai, hal sorelo, railo, sorleder har hako wawar, un o pralstuno pral hako wawareste. Halauter, hoi an o bolepen un ap i phub hi, hi tiro. Tu hal o rai pral i tsele themma, un tut hi penepaske pral halauter.

1. Familjakro liil 29:16

Baro Dewel, maro rai, kau tselo brawlepen, hoi khetne anam, te kras mer tuke i kheer, te well tiro lab sharedo, kowa lauter was tutar un hi tiro.

2. Familjakro liil 25:9

Un o Amazja putchas o Debleskro murshestar: “Un hoi hi kol sheel zentnarja rup, hoi me kol lurdende dran Israel dom?” O Debleskro mursh penas: “Pash o baro Debleste hi jaake, te nai dell lo tut budeder har tu len dal.”

Hiob 34:13

Koon his, koon les i phub an leskre wasta das? Kek! Job kras i phub. Kek hi pral leste tardo.

Hiob 41:11

Dran leskro mui well jag, awa, jagakre kotja denn win karje.

Hiob 41:3

Koon nai djal i choljah ap mande, un me anau kowa gar ap leskro shero pale? Tel o tselo bolepen hi kek sawo!

Debleskri gili 50:10

I tsele vieche an o weesh hi mire, un ninna kol vieche ap i serja berge hi mire.

Debleskri gili 50:12

Te wals man bok, me penoms tuke kowa gar. I tseli phub hi miro un lauter, hoi ap late hi, ninna.

Debleskri gili 89:11

O baro panjeskro sap Rahab dal tu mulo, un kolen, kai tuke tchilatchepen kaman, tradal tu krik.

Debleskri gili 89:12

O bolepen, tiro hi lo, un i phub, tiri hi li, un tu kral lauter, hoi dren hi.

Debleskri gili 98:7

Mu well o baro pani diwjo i bachtjatar, un lauter, hoi an leste djiwell, ninna i tseli phub, un kolla, kai ap late djiwenn.

2. Mose 19:5

Kanna shunenn: Te rikrenn tumer lauter, hoi me tumenge penau, un shunenn ap mire tsele laba, palle han tumer mange kutcheder har i tsele wawar menshe ap kai phub. Ninna te hi i tseli phub miro, han tumer kokres mire menshe,

2. Mose 9:29

O Mose penas leske: “Jaake sik har djom dran o foro win, kamau mire wasta pre te hadell ap o baro Debleste. Palle dell o bolepen buder kek gole, un kek barrengro brishin perell buder, te dikess un haiwess, te hi i phub o baro Debleske.

Daniel 4:25

Un lauter was jaake pral o baro rajeste, o Nebukadnezar.

Micha 4:13

Jerusalem, ste pre un de len khetne, penell o baro Dewel. Me krau tut jaake sorelo har i gurum, koles sasterne shinga un sasterne pire hi. Mare len khetne, kol menshen dran bud themma! Un an lengro brawlepen an miro kheer, un halauter hoi len hi, an glan mande! Me hom o rai pral i tseli phub.

Nahum 1:5

I bare berge trissenn glan leste, un kol tikne berge perenn khetne. Job te well, palle hadell pes i phub glan leste, un kolla, kai ap late djiwenna, trissenna.

1. Korintarja 10:26

Djinenn, i phub un lauter, hoi koi pre hi, hi o Debleskro.

5. Mose 10:14

O baro Debleske hi o bolepen, lauter hoi an o pralstunepen hi. Un ninna i phub un lauter hoi dren hi, hi leskro.