Debleskri gili 21:9 - O Debleskro Drom 2021 (Sinte)

⁹ Tiro wast hatsell hakenes, kai kamell tuke tchilatchepen te krell. Tiro tchatcho wast hatsell kolen, kai pen ap tute choirenna.

O Debleskro Lab 2024 (Sinte-Manouche)

⁹ Tiro vast hatsell hakenes, kay kamell touke čilačepen te krell. Tiro čačo vast hatsell kolen, kay pen ap toute rhoyrenna.

Debleskri gili 21:9 ပူးပေါင်းရင်းမြစ်များ

1. Mose 19:28

Un o Abraham dikas tele ap kol forja Sodom un Gomorra un pral ko tselo them pash o pani Jordan, un dikas i bari jagakro ducho pre te djal har dran i baro bob.

Esra 6:12

Un ko Dewel, kai o Jerusalem win rodas, te well lo kote an-mangedo, job mu te phagell hako baro rajes un hako them, kai rikrell pes gar ap kau lab, hoi penom, un hadell peskro wast, te phagell lo ko Debleskro kheer tele an Jerusalem. Me, o Darius, penom kau lab un mukom les pre te tchinell, te rikrell pes hakeno ap leste!

Hiob 6:3

Kolla hi phareder har i tseli santa glan o baro pani. Doleske rakrau har i dinelo rakrell.

Debleskri gili 106:17

Koi djas i phub pre, un chas o Datan, un tchakras tel peste o Abiram peskre menshentsa.

Debleskri gili 18:38

Me lom kolen palla, kai ap mande pre djan, un taprom len, un mukom gar tele, bis te his le mulo dino.

Debleskri gili 18:8

Koi trissas i phub, pral un tele djan i berge o Debleskri bari choljatar.

Debleskri gili 2:12

Tchumrenn o tchawes, te well lo gar chojedo ap tumende, un tumer ap o drom merenna. Leskri choli nai chatchella sik. Bachtele hi kolla lauter, kai khatrenn pen pash leste.

Debleskri gili 2:5

Well i diwes, kai rakrell lo lentsa i choljah. Awa, leskri choljah krell lo lenge daar, te penell lo:

Debleskri gili 50:3

Maro Dewel wella un mukell pes te shunell. Glan leste nashell i jag un chal lauter pre. Un trul leste phurdell i baro sorelo ducho.

Jesaja 26:11

Baro Dewel, tiro wast hadal dur pre, te dess len trad. Un jon kamenn gar te dikell. Muk len dren te dikell, hawo kamlepen tut tire menshenge hi, te ladjenn le pen. Chatche len pre an tiri jagakri choli, kolen kai kamenn tut gar.

Ropaskre gilja 2:2

I gaba un i khera kras lo paash, an kolende o Jakobeskre tchawe djiwan. Un jon khaitan les gar. I sorele forja an o them Juda phagas lo tele an peskri choli. Pral lengro them anas lo ladj, un lengre raja witsras lo an i tchik.

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.

Mateo 13:42

Un i bolepangre witsrenn len an i bobeskri jag. Kote rowenn le, un dandrenn i danda i dukatar khetne.

Mateo 13:50

Un jon witsrenn i tchilatchen an i bobeskri jag. Un kote rowenn le, un dandrenn i danda i dukatar khetne.

Mateo 22:7

O baro rajes tapras i bari choli, un job bitchras peskre lurden, te marenn le kol marepangren, un te chatchrenn le lengro foro.

Mateo 25:41

Un palle penell job kolenge, kai ap leskri serwi rig tardo hi: Tumer han tel o Debleskro praassepen tardo! Djan tumenge! Djan an koi jag, hoi chatchella hako tsiro, un hoi hi o bengeske un leskre kurepangre kerdo!

Mateo 25:46

Un kol tchilatche len i phagi hako tsireske. I latche lenn o djipen, hoi gar pre-herella.

Mateo 3:10

Tumer han har ruka, kai wenna tele dino. I tower hi koi tchiddo, te well ko tselo ruk tele dino. Hako ruk, hoi hidjrella kek latcho koowa, well tele dino, un an i jag witsedo.

Mateo 3:12

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi hako tsiro chatchella.”

5. Mose 32:22

Miri choli chatchell pre har i jag, un chatchrell i tseli phub, un halauter, hoi ap late bares was, un chatchell tele bis an o telstunepen, un well bis tele pash i berge.

1. Tessalonikarja 2:16

Jon mukenn men gar, te penas mer o latcho lab i wawarenge, kai kek bibolde hi, te nai wenn kolla ninna ap o Debleskro drom. Jaake was i biboldengri doosh jaake baro, bareder djal gar. Un o Debleskri choli was soreles pral lende.

2. Tessalonikarja 1:8

un i jag hi trul lende. Palle well o Debleskri choli pral kolende, kai kaman lestar tchi te djinell, kolla kai shunan gar ap o latcho lab maro rajestar, o Jesusestar, un kaman gar ap leskro drom te djal.

Debleskro tsiro 19:15

Un dran leskro mui well i charo win, hoi latches tchinella. Koleha kurell lo pes i menshentsa an i tsele themma, un well sorleder har jon. Job anell len i sasterno wasteha. Jaake har jek i drake paash stakrella, te well i mool win, jaake stakrell lo kolen paash, kai gar ap leste shunenna, un anell i choli o sorelo Deblestar ap lende.

Debleskro tsiro 20:14

Un o merepen un o mulengro them wan an i bari jag witsedo, ninna hakenes, koneskro lab gar an o djipaskro liil dren tchinlo hi. Koon an i bari jag witsedo wella, merell o duito kopo.