Debleskri gili 21:3 - O Debleskro Drom 2021 (Sinte)

³ Kowa, hoi job o djijestar kamas, dal tu les, un kowa, hoi job tutar mangas, rikral gar pale.

O Debleskro Lab 2024 (Sinte-Manouche)

³ Kova, hoy yob o djiyestar kamas, dal tou les, oun kova, hoy yob toutar mangas, rikral gar pale.

Debleskri gili 21:3 ပူးပေါင်းရင်းမြစ်များ

2. Samuel 12:30

Un las leskro baro rajeske peskro shereskro sonakai tele. Kowa his 35 (trijanda-te-pantch) kilogramme pharo un ap leste his kutch barra. Un kau shereskro sonakai tchiwan jon ap o Davideskro shero. Un job anas bud brawlepen dran ko foro krik.

2. Samuel 2:4

Un kol mursha dran o them Juda wan, un makan o Davides dren o djeteha, te well job baro rai pral ko kheer Juda. Un har o Davideske penlo was, kai kol mursha dran o foro Jabesh an o them Gilead o Saules paskran,

2. Samuel 5:3

Har kol tsele phureder dran Israel pash o baro rajeste an o foro Hebron his, kras kote o baro rai David lentsa win, te well lo lengro baro rai. Un jon dan ap o baro Debleste gole, te shunell job kowa. Un jon tchoran djet pral o Davideskro shero, te well job baro rai pral o Israel.

1. Familjakro liil 20:2

Palle was ninna o David un las o baro rajeske dran o them Ammon leskro shereskro sonakai tele. Kowa his 35 (trijanda-te-pantch) kilogramme pharo, un ap leste his kutch barra. Un kau shereskro sonakai tchiwan jon ap o Davideskro shero. Un job anas bud brawlepen dran ko foro krik.

2. Familjakro liil 6:41

Un kanna, baro Dewel, maro rai, ste pre, un dja pash koi platsa, kai khere hal, tu un ko mochton, hoi men tiri bari soor sikrell. Baro Dewel, maro rai, tchip o tchatchepen pral tire rashajende har i ripen! Mu denn tire menshe gole i bachtjatar pral tiro latchepen!

Hiob 41:11

Dran leskro mui well jag, awa, jagakre kotja denn win karje.

Debleskri gili 18:18

Tu lal man win dran o wast kol sorelendar, kai kaman miro merepen, awa, dran ko wast kolendar, kai his jaake chojedo ap mande un bud sorleder har me.

Debleskri gili 20:5

Mu dell lo tut lauter, hoi tiro dji kamella, un krell, te djal tuke lauter mishto, hoi tu tuke glan lal!

Debleskri gili 31:19

kolla chochene, kai hi pre-phurde un praassenn kolen, kai an o tchatchepen tardo hi.

Debleskri gili 59:10

Tu hal miri soor. Ap tute kamau me man te rikrell. Miro Dewel, tu hal mange i sorelo kheer.

Remarja 11:35

Koon das les tchomone, hoi job hunte dell pale? Kek.

Remarja 2:4

Hi tuke o Debleskro baro latchepen tchi moldo? Les hi i baro dji un dell i menshen gar sik pre. Djineh tu gar o Debleskro latchepen, hoi kamell tut ap leskro drom te anell?

Efesarja 1:3

Sharas maro Debles! Job hi o Dewel un o dad maro rajestar, o Jesus Kristestar, un das peskro tselo bolepaskro brawlepen mende, kai ham patslo ap o Jesus Kristeste.

Hebrearja 2:9

Kones mer dikah, kowa hi o Jesus. Job his i tikno tsiro tikneder har i bolepangre, un meras i menshenge. Doleske kras o Dewel les baro un railo. Jaake latcho his o Dewel i menshenge, te bitchras lo o Jesuses lauterenge an o merepen.

Debleskro tsiro 19:12

Leskre jaka hi har i jag. Un ap leskro shero hi bud sonakai bud kutch barrentsa. Glan ap leskro shero hi i lab tchinlo. Koles prindjrell kek har job kokres.

1. Samuel 16:13

Kote las o Samuel o djet un tchoras les ap o Davideskro shero, glan i jaka peskre phralendar. Un o baro Debleskro ducho was pral leste ap ko diwes un atchas ap leste. Un o Samuel djas pale an Rama.