Debleskri gili 20:4 - O Debleskro Drom 2021 (Sinte)

⁴ Mu bistrell lo kek latcho koowa, hoi tu leske anal, un dikell latches ap kol viechen, hoi tu leske chatchral!

O Debleskro Lab 2024 (Sinte-Manouche)

⁴ Mou bistrell lo kek lačo koova, hoy tou leske anal, oun dikell lačes ap kol firhen, hoy tou leske rhačral!

Debleskri gili 20:4 ပူးပေါင်းရင်းမြစ်များ

2. Samuel 24:23

Me dau tut kowa lauter.” Un o Arauna penas pale ap leste: “O baro Dewel, kai tiro Dewel hi, mu krell peskro dji tuke pre.”

2. Familjakro liil 9:12

Un o rai Salomo das i rajetsa dran Saba halauter, hoi li kamas un lestar mangas. Kowa his budeder, har kowa, hoi joi leske anas. Un palle djas li pale an lakro them, joi un lakre budepangre.

Debleskri gili 145:19

Kolenge, kai o djijestar ap leste shunenna, krell lo, hoi jon mangenna, un shunell, har denn le gole, un well ap lengri rig.

Debleskri gili 21:2

Baro Dewel, har bachtelo hi o baro rai pral tiri soor! Tu hal ap leskri rig. Doleske bashrell leskro dji.

Debleskri gili 37:4

Rode tiri bacht pash o baro Debleste, palle dell job tut lauter, hoi tiro dji kamella.

Gosewe laba 11:23

Kowa, hoi kolla kamenn, kai o tchatchepen krenn, anell lenge latchepen. Un kowa, hoi i tchilatche kamenn, anell lenge o Debleskri choli.

Mateo 21:22

Te patsenn tumer, te lenn kowa, hoi mangenna o Deblestar, palle lenn tumer kowa lauter ninna.”

Johanni 11:42

Me djinau, kai tu man hako tsiro shuneh. Me penau kawa kol bud menshenge, kai hi kai tardo, te dikenn le un te patsenn le, kai tu man bitchral.”

Johanni 16:23

Ap ko diwes, putchenn tumer mandar tchi. Tchatchepah, me penau tumenge: Te mangenn tumer miro dadestar tchomone an miro lab, kowa dell job tumen.

Čačepangre 13:23

“Na-a”, penas leskri romni, “te kamals o baro Dewel men te marell, palle lals lo gar ko vieches un ko maro dran maro wast, hoi leske dam un leske chatchram. Un job sikrals men gar kawa lauter, hoi dikam, un penals menge gar kanna sawo koowa.”

1. Samuel 26:19

Un kanna, miro rai un pralstuno, shun ap i laba, hoi me, tiro budepaskro, rakrau. Te anas o baro Dewel tut ap mande pre, palle well leske i chapen chatchedo, te djal leskri choli krik. Te anan tut menshe ap mande pre, mu well o Debleskri bibacht ap lende! Jon tradenn man win dran o baro Debleskro them. Kowa hi jaake har te penans le: ‘Dja an i wawar them, un mange wawar deblen an!’