Debleskri gili 20:3 - O Debleskro Drom 2021 (Sinte)

³ Mu well lo dran leskro kheer ap tiri rig! Un dran o foro Zion bitchrell lo tuke soor!

O Debleskro Lab 2024 (Sinte-Manouche)

³ Mou vell lo dran leskro kheer ap tiri rig! Oun dran o foro Sion bičrell lo touke zoor!

Debleskri gili 20:3 ပူးပေါင်းရင်းမြစ်များ

1. Mose 4:4

Un o Abel las tikne bakren, kai i phureder tchawe pengre dajendar hi, maras len un chatchras lengre feteder kotja o Debleske. Un o baro Dewel dikas latches ap o Abel un ap kowa, hoi job chatchras leske.

1. Familjakro liil 21:26

Un o David kras koi o baro Debleske i chatchepaskri, un anas viechen leske, sawen kai wan tseles chatchedo un sawen, kai chan le khetne glan o baro Debleste. Un har job o baro Debles an-kharas, mukas job jag dran o bolepen te perell ap i chatchepaskri, kai kol mule vieche tchiddo hi.

2. Familjakro liil 7:1

Har o Salomo o baro Debleha rakras, har lo peskre tsele laba wi-rakras, peras i jag dran o bolepen un chatchras i marede viechen un kol kotja mass, hoi his tchiddo ap i chatchepaskri. Un o kheer was pherdo o baro Debleskro railepen,

Debleskri gili 128:5

O baro Dewel dell tut bacht kotar, kai lo khere hi, ap i berga Zion. Jaake rah har djiweh, dikeh koi bacht, hoi well dran o foro Jerusalem.

Debleskri gili 134:3

O baro Dewel, kai o bolepen un i phub kras, hi khere ap i berga Zion. Fun kotar mu tchiwell lo peskri bacht ap tute!

Debleskri gili 51:19

Kowa, hoi tu kameh te well tuke anlo, hi i phagedo dji. Ap i mensheste, kai rowell pral peskri doosh, dikeh tu, miro Dewel, latches.

Jesaja 60:7

I tsele bakre dran Kedar un Nebajot wenn anlo pash tute, te wenn le maredo un chatchedo o baro Debleske, te dikell lo latches ap tute. Un jaake krell o baro Dewel peskro railo kheer gomme shukeder.

3. Mose 9:24

I jag djas win o baro Deblestar, un chatchras ko mass pre kol viechendar, koleskro tselo mass chatchedo well, ninna kol thulle kotja, hoi ap o Debleskri chatchepaskri tchiddo his. Har kowa i tsele menshe dikan, dan le i bachtjatar gole, un tchiwan pen tele glan o baro Debleste ap i phub.

Bičepangre 10:4

Koles his daar, har job dikas les, un penas ap leste: “Hoi kameh tu mandar, rai?” Un kowa penas ap leste: “O Dewel shunas, har tu les an-mangal. Un job dikas ko latchepen, hoi tu kral i tchorwelenge. Un job bistras kowa gar.

Efesarja 5:2

un djiwenn an o kamlepen, jaake har o Jesus Kristo peskro kamlepen mende sikras, har job menge meras. Un jaake das lo peskro djipen o Debleske. Un o Dewel dikas latches ap leste.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.