Debleskri gili 2:9 - O Debleskro Drom 2021 (Sinte)

⁹ Ab rai pral lende i sasterno wasteha, tu phageh len nai har tchare.”

O Debleskro Lab 2024 (Sinte-Manouche)

⁹ Ab ray pral lende i sasterno vasteha, tou phageh len nay har čare.”

Debleskri gili 2:9 ပူးပေါင်းရင်းမြစ်များ

Debleskri gili 89:23

Kek, kai ap leste djal, well o sorleder pral leste, un kek tchilatcho nai hadell pes pral leste.

Jesaja 30:14

Ko kheer hi an kotja tchiddo jaake har o khoro, hoi paash dino was. Lestar atchell kek tikno kotar, koleha nai lals jag dran o bob un pani dran i brunna.

Jesaja 60:12

Kol themma, kolengre menshe kamenn gar tuke te budrell, wenn paash stakedo, un lengre menshe maredo, te atchell tchi lendar pral.

Jeremia 13:14

Jaake har kol khore phagenn, te wenn le khetne dino, jaake krau, te phagell jek ap o wawareste, ninna i dada ap lengre tchawende. Jon khaitenn man gar, un i dji hi man witar gar lenge, un rikrau man gar pale, te marap len lauter. Kowa penell o baro Dewel.

Jeremia 19:11

Pen ap lende: Kowa penell o baro Dewel, ko rai pral o bolepen un i phub: Me dau paash kal menshen un kau foro, har deh sorjah i khoro jaake paash, kai nai kreh kowa gar buder tselo. Un i menshe paskrenn i mulen ap i platsa Tofet, – kek wawar platsa hi lenge koi.

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

Daniel 2:45

Kowa kamell ko bar te penell, hoi tu dikal, koles kek mensho witsras. Tu dikal, har was lo i berga tele un das koi figura dran saster, lolo saster, phubjakri tchik, rup un sonakai, an tikne kotja. Jaake mukell tut o baro Dewel te djinell, hoi pal kawa wella. Un kai suni penell o tchatchepen. Un hoi me penom, hoi kai suni kamell te penell, hi ninna tchatcho.”

Micha 5:8

Israel, hade tiro wast pral halauterende, kai kurenn pen tuha, te atchell kek lendar djido!

Mateo 21:44

Koon ap kau bar perella, kowa merella. Ap koneste kau bar perella, koles dell ko bar khetne.”

Debleskro tsiro 12:5

Un joi las i mursh tchawes. Kowa te well o rai pral i menshende an i tsele themma ap i phub. Job anell len i sasterno wasteha. Un lakro tchawo was pre hadedo pash o Debleste, un pash leskro beshepaskro.

Debleskro tsiro 19:15

Un dran leskro mui well i charo win, hoi latches tchinella. Koleha kurell lo pes i menshentsa an i tsele themma, un well sorleder har jon. Job anell len i sasterno wasteha. Jaake har jek i drake paash stakrella, te well i mool win, jaake stakrell lo kolen paash, kai gar ap leste shunenna, un anell i choli o sorelo Deblestar ap lende.