Debleskri gili 2:6 - O Debleskro Drom 2021 (Sinte)

⁶ “Ap i berga Zion, kai mange hi, tchiwom me i baro rajes, koles me wi-rodom.”

O Debleskro Lab 2024 (Sinte-Manouche)

⁶ “Ap i berga Sion, kay mange hi, čivom me i baro rayes, koles me vi-rodom.”

Debleskri gili 2:6 ပူးပေါင်းရင်းမြစ်များ

Debleskri gili 45:6

De tire faile karje, te djan le an o dji kolendar, kai kurenn pen tuha. Jaake perenna i wawar themma glan tute.

Debleskri gili 50:2

Ap i berga Zion, an o shukeder foro, sikras pes o Dewel an peskro railepen.

Debleskri gili 78:68

Na-a, i menshen dran o kheer Juda rodas lo peske win, un koi berga Zion, hoi job o djijestar kamella.

Debleskri gili 89:27

Job penell ap mande: Tu hal miro dad, miro Dewel, kowa, kai rikrell peskre wasta pral mande un well ap miri rig.

Jesaja 55:4

Dikenn, me krom les, te well lo rai un pralstuno pral wawar themma, te sikrell job lende, koon me hom.

Ezekiel 17:22

Kawa penell o baro Dewel, maro rai: Me phagau ko tikni kasht, hoi pralstunes ap i zedertikro ruk win was, un tchiwau les an i phub dren. Awa, me lau i pralstune kashtendar i terno newo kasht, un tchiwau les an i phub ap i berga, hoi bareder hi har halauter trul leste.

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

Zakarie 8:3

Me wau pale ap i berga Zion un djiwau mashkral an o foro Jerusalem. Palle kharell pes Jerusalem ‘foro, kai rikrenn pen i menshe ap o baro Debleste’. Un i berga Zion, kai djiwau me, o baro Dewel, ko rai pral o bolepen un i phub, kai berga kharell ‘Debleskri berga’.”

Mateo 28:18

Un o Jesus djas pash lende un penas ap lende: “O baro Dewel das man i soor pral o bolepen un pral i phub.

Efesarja 1:22

O Dewel das halauter an leskre wasta, un kras, te was o Jesus Kristo o pralstuno pral i patslende.

Hebrearja 12:22

Kowa lauter dikan tumer gar. Na-a. Tumaro tsillo, kai wenn khetne o Debleha, hi ap i berga Zion an o bolepen. Kote hi o foro o djido Deblestar tardo, o newo foro Jerusalem. Kote hi bud bud serja bolepangre, kai sharenn o Debles.

Debleskro tsiro 14:1

Un me dikom ko terno bakres ap i berga Zion tardo. Un leha his jek-sheel-te-star-deesh-te-star serja (144.000) menshe. Kolen hi o Jesuseskro lab un o lab leskro dadestar glan ap lengre shere tchinlo.