Debleskri gili 19:9 - O Debleskro Drom 2021 (Sinte)

⁹ Kowa, hoi o baro Dewel menge penell, te kras mer, hi tchatcho, un krell maro dji bachtelo. Kowa, hoi lo mendar kamell, nai haiwell hakeno. Kowa hi har i momeli, hoi sikrell men o drom.

O Debleskro Lab 2024 (Sinte-Manouche)

⁹ Kova, hoy o baro Devel menge penell, te kras mer, hi čačo, oun krell maro dji barhtelo. Kova, hoy lo mendar kamell, nay hayvell hakeno. Kova hi har i momeli, hoy sikrell men o drom.

Debleskri gili 19:9 ပူးပေါင်းရင်းမြစ်များ

1. Mose 22:12

Penas o bolepaskro: “Tape kol tchawes gar an! Un kre les tchi! Kanna djinau me, kai shuneh o tselo djijeha ap o Debleste un kreh, hoi job penell. Tu rikral tiro jek tchawes mandar gar pale.”

1. Mose 42:18

Ap o triinto diwes penas o Josef ap lende: “Te krenn tumer, hoi penau, atchenn tumer djido. Me darau o Deblestar.

1. Rajengro liil 18:12

Hoi hi, te djau kanna tutar, un o baro Debleskro ducho lell tut krik un anell tut ap i wawar kotar phub, hoi me gar djinau? Un me wau palle pash o Ahab un penau leske, tu hal kai, un job hatsell tut gar? Palle mukell lo man te marell. Tu djineh, me, tiro budepaskro, shunau ap o baro Debleste fun tiknes pre.

Nehemia 5:15

Kol wawar themeskre raja glan mande tchiwan pharo koowa ap i menshende. Hako diwes lan le lendar maro un mool un kote pashel gomme 40 (star-deesh) rupene beme. Un kolengre budepangre kran pen ninna rai pral i menshende, jaake har le kaman! Me krom kowa gar jaake, djinom, o Dewel dikell man!

Debleskri gili 10:5

Lauter djal leske, har job kamella. Te deh tu leste i phagi, patsell lo kowa gar, jaake dur hal tu lestar krik. Job tchungrell ap lauterende, kai leske an o drom tardo hi.

Debleskri gili 111:10

Koon djiwell o baro Debleha, kowa lell goswepen. Gosewo hi hakeno, kai ap o baro Debleskre laba shunella. Te sharas les hako tsiro!

Debleskri gili 115:13

Job tchiwell peskri bacht ap hakeneste, kai djiwell leha, awa, ap i tiknen un ap i baren.

Debleskri gili 119:1

Har bachtelo hi kolla, kai jaake djiwenna, te hunte tchingrell o Dewel gar lentsa, kolla, kai ap o baro Debleskro drom djana.

Debleskri gili 119:106

Me dom man sowel, un me kamau lat te rikrell: Kamau te djap pal tire tchatchepaskre laba.

Debleskri gili 119:111

Tire laba, hoi menge sikrenn, har te djiwas, hi mange kutch un atchenna mange hako tsiro. Awa, jon hi kolla, hoi miro dji bachteles krenn.

Debleskri gili 119:142

Tiro tchatchepen atchella hako tsiro, un tiro drom hi tchatcho.

Debleskri gili 119:39

Le mandar koi ladj krik, kolatar darau. Jaake har tu o tchatchepen an o wast leh, hi mishto.

Debleskri gili 119:62

Mashkral an i rat stau me pre, te sharap tut, kai lal tu o tchatchepen an o wast.

Debleskri gili 119:7

Me parkrau man pash tute o tselo djijestar, te sikreh tu mange tire tchatchepaskre laba.

Debleskri gili 119:75

Baro Dewel, me djinau, tu te deh i phagi, djah tu pal o tchatchepen. Tuke his tchatcho har dal man i phagi.

Debleskri gili 12:7

O baro Debleskre laba hi djudjo har rup, thodo an i jagakro bob efta kope.

Debleskri gili 147:19

O Jakobeskre menshen mukell lo peskro lab te shunell; un ap i Israelitarja penell lo, hoi lo lendar kamell, un dell len peskre tchatchepaskre laba.

Debleskri gili 36:1

I gili o rajeske pral i gipangre. O David, ko baro Debleskro budepaskro, kras kai gili.

Debleskri gili 36:6

Baro Dewel, tiro latchepen hi jaake baro har o bolepen. Un tiro kamlepen ap tire menshende djal bis pash i wolke.

2. Mose 21:1

Kolla hi i laba, hoi lenge peness. Ap kolende hunte rikrenn le pen.

Gosewe laba 8:13

Kowa, kai kamell o baro Debleha te djiwell, kowa kamell o tchilatchepen gar glan peskre jaka te dikell, kowa dikell gar tele ap o wawareste un phurdell pes gar pre, kowa djal gar i tchilatcho drom, un rakrell kek chochepen.

Jesaja 26:8

Baro Dewel, mer dikah ap tute, te peness tu o tchatchepen win. Lauter an mende rodell tut, un kamell, te well tiro lab sharedo.

Jesaja 45:19

Me rakrom gar tchorchanes an i khatepen, kai kek shunell, un penom gar ap o Jakobeskre tchawende: Rodenn man tchitcheske! Me, o baro Dewel, rakrau o tchatchepen, un penau tumenge, hoi tchatcho hi.

Bičepangre 10:22

Penan le: “O Kornelio, ko pralstuno i lurdendar, bitchras men. Kowa hi i latcho mursh, un patsell ap o Debleste. I tsele bibolde rakrenn latches pral leste. I Debleskro bolepaskro penas ap leste, te lell job tut an peskro kheer, un te shunell job, hoi tu leske kameh te penell.”

Remarja 11:22

Jaake dikah, o Dewel nai well latcho, un job nai dell i phagi. Kolla, kai peran leskro dromestar tele, kolen dell lo i phagi. Latcho hi lo ap tumende, kai djiwenn dran leskro latchepen. Te djiwenn tumer buder gar dran leskro latchepen, tchinell lo tumen ninna tele.

Remarja 2:2

Mer djinah, o Dewel djal pal o tchatchepen, te dell lo kolen i phagi, kai sawo tchilatcho koowa krenna.

5. Mose 4:8

Kek wawar bari natsjona della, kai i menshen sawe latche un tchatche laba hi, hoi lende sikrenn har te djiwenn le, har kal laba, hoi me kau diwes glan tumende tchiwau.

Debleskro tsiro 15:3

Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!

Debleskro tsiro 16:7

Un me shunom, har jek pash o Debleskri chatchepaskri penas: “Awa, rai, maro sorelo Dewel, mishto kral, kai tu dal len sawi phagi.”

Debleskro tsiro 19:2

Latcho un tchatcho hi lo. I phagi, hoi job i menshen das, hi mishto un tchatcho. Job das i bari lubjat lakri phagi. Joi tserdas i menshen ap i tseli phub an wi-ladjedo koowa un maras o Debleskre budepangren. O Dewel das lat ko tchilatchepen pale, hoi joi ap lende kras.”

1. Samuel 12:24

Tumer hunte darenn o baro Debles un mangenn les kokres an tumaro tselo djijeha! Ma bistrenn, hawo baro koowa job tumenge kras.