Debleskri gili 18:7 - O Debleskro Drom 2021 (Sinte)

⁷ An miri daar kharom ap o baro Debleste. Awa, bari gole dom ap miro Debleste. An peskro railo kheer shunas lo man, un miri gole was glan leskre kanda.

O Debleskro Lab 2024 (Sinte-Manouche)

⁷ An miri daar kharom ap o baro Debleste. Ava, bari gole dom ap miro Debleste. An peskro raylo kheer shounas lo man, oun miri gole vas glan leskre kanda.

Debleskri gili 18:7 ပူးပေါင်းရင်းမြစ်များ

Debleskri gili 34:16

O baro Dewel dikell ap kolende, kai an o tchatchepen tardo hi. Un leskre kanda shunenn len, te denn le gole.

Debleskri gili 34:18

Te denn kolla ap leste gole, kai rikrenn ap leste, palle shunell len o baro Dewel, un lell len win dran lengri tseli bibacht.

Debleskri gili 39:13

Baro Dewel, shun miro mangepen! Un shun, har dau ap tute gole! Dik mire swa un rake mantsa! Me hom gar khere ap kai phub, djiwau har i wi-themari pash tute, jaake har ninna mire phure djiwan.

Debleskri gili 40:2

Miro tselo djijeha dikom ap o baro Debleste, un job rissras peskro kand pash mande, un shunas, har ap leste gole dom.

Debleskri gili 46:2

O Dewel hi menge har i sorelo kheer, kai nai khatrah men. Job hi ap mari rig an phare tsirja.

Jeremia 4:24

Me dikom ap kol bare un tikne berge. Kolla trissan.

Habakuk 3:10

I berge dikan tut un trissan. Sorelo brishin peras tele dran o bolepen. O baro pani das bari gole. O kham bistras te djal lo pre.

Habakuk 3:6

Tchiwell job peskro piro ap i phub, palle trissell li. Lell job i wawar themma an o jak, trashenn i tsele menshe. Kol bare phure berge phagenn an kotja, un kol tikne phure berge perenn khetne, te nashell job – har an o phuro tsiro – pral i phub.

Zakarie 14:4

Job hi tardo ap o djeteskri berga, hoi glan o foro Jerusalem tchiddo hi, kote kai o kham pre djala. Un koi berga phagell mashkral an dui kotja, fun kotar kai o kham pre djal bis kote, kai o kham tele djal. Jek kotar djal ap i serwi rig, o wawar kotar ap i tchatchi rig. Un mank kol dui berge hi i buchli tala.

Mateo 28:2

Ap jek kopo was i phub soreles trisslemen. Un o Debleskro bolepaskro was dran o bolepen, tchiwas ko baro bar glan o mulengro kheer ap i rig, un beshas pes koi pre.

Bičepangre 4:31

Ap jek kopo, har jon o Debles an-mangan, trissas i phub kote, kai jon his. Un o Debleskro Ducho was ap lauterende. Un jon penan o Debleskro lab, un kek traash his an lende.

1. Korintarja 13:2

Te wals man gar o Debleskro kamlepen an o dji, palle molals ninna kowa tchi, te penoms me i menshenge, hoi o Dewel mande sikras. Te wals man gar o Debleskro kamlepen an o dji, palle molals ninna kowa tchi, te djinoms halauter, hoi i wawar gar djinenna un te haiwoms ko tselo Debleskro drom. Te wals man gar o Debleskro kamlepen an o dji, palle molals ninna kowa tchi, te wals man jek sorelo patsepen, te penoms ap i berge: ‘Hadenn tumen’, un jon hadenna pen.

5. Mose 32:22

Miri choli chatchell pre har i jag, un chatchrell i tseli phub, un halauter, hoi ap late bares was, un chatchell tele bis an o telstunepen, un well bis tele pash i berge.

Čačepangre 5:4

Baro Dewel, har tu tele wal dran o them Seir, har tu wal dran o them Edom, kote trissas i phub, un brishin was dran o bolepen, bud pani ap i phub.