Debleskri gili 18:2 - O Debleskro Drom 2021 (Sinte)

² Un job penas: Baro Dewel, miro tselo djijestar kamau tut. Tu kreh man soreles.

O Debleskro Lab 2024 (Sinte-Manouche)

² Oun yob penas: Baro Devel, miro tselo djiyestar kamau tout. Tou kreh man zoreles.

Debleskri gili 18:2 ပူးပေါင်းရင်းမြစ်များ

2. Samuel 22:3

Miro Dewel, tu hal kowa, pash koleste nai wau un man khatrau. Tire wasta rikreh tu pral mande. Tu hal ko sorelo ap miri rig, un hal mange har i sorelo kheer pral ap i berga. Tu kreh miro djipen sasto, un kreh, te dukrell man kek.

Debleskri gili 116:1

Me kamau o baro Debles o djijestar, job shunas man, har rowom me ap leste.

Debleskri gili 132:17

Kote well jek o Davideskre tchawendar i sorelo baro rai. Ko baro rai, koles mange wi-rodom, well i menshenge har i momeli, hoi hako tsiro chatchella.

Debleskri gili 144:2

Job well ap miri rig, un hi mange har i sorelo kheer, kai nai khatrau man, un kek man an-taprell. Job rikrell peskre wasta pral mande, Ap leste rikrau man. Job stakrell i menshen dran wawar themma tel mire herja.

Debleskri gili 19:14

Muk man gar khetne kolentsa te djal, kai hi pre-phurde, te tserdenn le man gar ap lengri rig. Jaake well kek doosh ap mande, un me krau kek baro tchilatcho koowa.

Debleskri gili 28:1

I gili o Davidestar. Tu, baro Dewel, hal mange har i baro sorelo bar, kai nai khatrau man. Ap tute dau me gole. Ma risse tire kanda mandar! Tu te shuneh gar, har gole dau, palle hom jaake har kolla, kai pash i mulende an o mulengro them djan.

Debleskri gili 59:11

Tu hal latches ap mande. Tu hal ap miri rig un mukeh man sorleder te well har kolla, kai kamenn man te marell.

Debleskri gili 62:2

Pash o Debleste kokres hi miro djijes kek daar, Job well ap miri rig.

Debleskri gili 62:7

Job hi har i baro sorelo kheer ap i barreskri berga, kai man khatrau, un job ap mande jak della, jaake te perap gar.

Debleskri gili 75:10

Me kamau o Deblestar te rakrell hako tsiro. Un leske, ko Jakobeskro Debleske, giwau un bashrau.

Debleskri gili 91:2

kowa penell ap o baro Debleste: “Pash tute hom khere. Tu hal mange har i baro sorelo kheer, miro Dewel, ap tute dikau.”

Debleskri gili 91:4

Har i kachni peskre ternen tel leskre mussja khatrell, jaake khatrell o Dewel tut tel leskre sorele mussja. Kote nai djal tuke tchi. Job rikrell tut jaake har lo penas. Doleske nai well kek tchilatchepen ap tute.

2. Mose 15:2

Peskri sorjah was o baro Dewel ap miri rig. Miri giljah sharau les dran o dji. Job las man win. Miro Dewel hi lo, un me kamau les te sharell. Miro dadeskro Dewel hi lo, un me kamau les pre te hadell.

Gosewe laba 18:10

O baro Dewel hi har i baro sorelo kheer. Kowa, kai an o tchatchepen tardo hi, nashell pash leste un khatrell pes pash leste.

Gosewe laba 2:7

Kolen, kai an o tchatchepen tardo hi, dell lo, hoi len hunte well. Un dell jak ap kolende, kai leskro drom djan, te krell lenge kek tchomone.

Jesaja 32:2

Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

Hebrearja 2:13

Un pale penell lo: Me tchiwau man an o Debleskre wasta. Un pale penell lo: Dik, kate hom me kal tchawentsa, kai o Dewel das man.