Debleskri gili 17:7 - O Debleskro Drom 2021 (Sinte)

⁷ Sike tiro latchepen, tu, kai leh kolen dran i tchilatche wasta win, kai pen pash tute khatrenna,

O Debleskro Lab 2024 (Sinte-Manouche)

⁷ Sike tiro lačepen, tou, kay leh kolen dran i čilače vasta vin, kay pen pash toute khatrenna,

Debleskri gili 17:7 ပူးပေါင်းရင်းမြစ်များ

2. Rajengro liil 19:22

Koon hi kowa, pral koleste tchilatche laba rakral? Un kones tire labentsa praassal? I pre-phurdo hal, un ap mande tele dikal, pral o Israeleskro Debleste tut hadal!

2. Rajengro liil 19:34

“Me rikrau mire wasta pral kau foro, un me lau les win dran i tchilatche wasta. Kowa krau me mange kokres, un o Davideske, kai miro budepaskro his.”

2. Familjakro liil 16:9

O baro Debleskre jaka dikenn an i tsele themma, te dell lo soor kolenge, kai rikrenn pen pengro tselo djijeha ap leste. Tu rikral tut dineles an kau koowa. Doleske well fun kau tsiro kurepen pral tute.”

Debleskri gili 20:6

Palle kamah mer te giwell i bachtjatar. Un sharah maro Debles un hidjrah o themeskri plachta, te sikras, kai job tut soreles kras pral kolende, kai kuran pen tuha. O baro Dewel mu dell tut lauter, hoi tu lestar mangeh!

Debleskri gili 31:21

Tu khatreh len pash tute kol menshendar, kai tchiwenn pen khetne, te krenn le lenge tchilatchepen. Tu mukeh kek praassepen pral lende te well.

Debleskri gili 31:22

Baro Dewel, parkrau man pash tute. Tu sikral tiro baro latchepen ap mande, har homs har i foro, trul koleste bud lurde tarde his.

Debleskri gili 44:3

Tu tradal tiro wasteha i wawar menshen win dran lengro them, un dal ko them mare phurende. Kol wawar menshen dal tu paash, te nai djiwan mare phure an ko them.

Debleskri gili 60:5

Tu mukal tire menshen pharo koowa te dikell. Tu dal men sawi mool te pijell, te wam mato.

Debleskri gili 78:12

Glan lengre phurende kras job baro sorelo koowa an o them Egiptia, pash o foro Zoan.

2. Mose 15:6

Tu, mo baro Dewel, har sorelo hi tiro tchatcho wast! Tu, baro Dewel, tiro tchatcho wasteha dal tu kolen an kotja, kai kuran pen tuha.

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Bičepangre 2:33

Un o Dewel kras les rai pral halauter, un tchiwas o Debleskro Ducho ap leste, jaake har job penas. Un ko Debleskro Duches tchiwas o Jesus ninna ap mende. Kawa shunenn un dikenn tumer kate.

Debleskro tsiro 15:3

Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!