Debleskri gili 17:3 - O Debleskro Drom 2021 (Sinte)

³ Tu djineh, hoi mange an o shero djal. Ninna an i rati dikal palla, har an miro dji wi-dikella, un hatsal tchi an mande, hoi gar mishto hi. Ninna kek tchilatcho lab was dran miro mui win.

O Debleskro Lab 2024 (Sinte-Manouche)

³ Tou djineh, hoy mange an o shero djal. Ninna an i rati dikal palla, har an miro dji vi-dikella, oun hatsal či an mande, hoy gar mishto hi. Ninna kek čilačo lab vas dran miro mouy vin.

Debleskri gili 17:3 ပူးပေါင်းရင်းမြစ်များ

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

1. Familjakro liil 29:17

Miro Dewel, djinau, te dikeh an o dji. Un tuke hi mishto, te hi i menshes i tchatcho dji. Doleske dom tut kawa lauter mandar dran i tchatcho dji, un hom bachtelo te dikau, kai tire menshe, kai kate glan tute tardo hi, tute ninna lauter pendar win dan.

Hiob 23:10

Job djinell hawo drom me djau. Dikals lo palla, har djiwau, hatsals lo win, te hom djudjo har sonakai.

Hiob 24:14

Glan te djal o kham pre, stell o marepaskro pre un marell o tchorweles, koles tchi hi. Un rati djal o marepaskro trujel, te tchorell lo.

Debleskri gili 11:5

Job rodell an i djia i latchendar un i tchilatchendar. Koon o tchilatchepen kamell, ap koleste hi lo peskro tselo djijeha chojedo.

Debleskri gili 119:106

Me dom man sowel, un me kamau lat te rikrell: Kamau te djap pal tire tchatchepaskre laba.

Debleskri gili 139:1

I gili o rajeske pral i gipangre. Kai gili kras o David. Baro Dewel, tu dikeh an miro dji un prindjreh man mishto.

Debleskri gili 139:23

Dik an miro dji, miro Dewel, un dik, hoi lauter koi dren hi! Un le man an o jak, un dik, hoi mange an o shero trujel djala!

Debleskri gili 16:7

Me sharau o baro Debles, kai mange penell, hoi hunte krap. Ninna an i rat rakrell miro dji mantsa, te bistrap gar, hoi job kamella.

Debleskri gili 26:2

Le man an i jak, baro Dewel! Dik palla, hoi an miro dji hi, un hoi mange an o shero trujel djal!

Debleskri gili 39:1

I gili o rajeske pral i gipangre, o Jedutun. O David kras kai gili.

Debleskri gili 66:10

Tu, maro Dewel, kamal te dikell, har maro dji ap tute rikrell. Doleske kral tu mentsa har o rupeha, hoi an jag thodo well, te well lo djudjo.

Debleskri gili 7:4

Baro Dewel, tu hal miro Dewel, me te krom sawo koowa, hoi penan le, un te hi doosh ap mande,

Gosewe laba 13:3

Kowa kai ap peskro rakepen jak dell, kowa dell jak ap peskro djipen. Koles i baro mui hi, kowa tserdell bibacht ap peste.

Jeremia 12:3

Baro Dewel, tu dikeh un prindjreh man, un djineh, kai miro dji hako tsiro pash tute his. Kol wawaren tserde krik har bakre krik tserdedo wenn, te wenn jon maredo! Un tchip len ap i rig, te wenn jon mulo dino!

Jeremia 50:20

An ko tsiro un an kol diwessa well koi doosh rodedo, hoi o Israel un o Juda ap pende anan. Un kote well kek doosh hatslo. Me lau lat kolendar krik, kai mukom pral atchell. Kowa penau me, o baro Dewel.

Hosea 7:6

An ko tsiro, kai lenn le penge tchilatcho koowa glan, hi lengro dji tato har i bob. I tseli rati sowell lengri choli, taissarlake chatchell li pre har i bari jag.

Micha 2:1

Hawi bibacht well pral kolende, kai hi tchiddo ap pengro tchiben, un an lengro shero djal tchilatcho koowa trujel, hoi kamenn le te krell. Jaake sik har o kham pre djal, krenn le, hoi le pen glan lan. Len hi i soor, te krenn le, hoi le kamenn.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Maleachi 3:2

Koon tumendar nai rikrell ko diwes win, job te wella? Un koon tumendar nai atchell glan leste tardo, job te mukell pes te dikell? Job hi har i soreli sapuni un har i jag, hoi chatchell i tchik an o saster krik.

Bičepangre 11:23

Har job koi his un dikas, hoi o Dewel an peskro baro latchepen kote lauter kras, was lo bachtelo un mangas len, te atchenn le pengro tselo djijeha pash o Jesuseste.

Bičepangre 16:9

Koi dikas o Paulo an i suni i murshes dran o them Macedonia. Kowa mangas les un penas: “Am wergel an o them Macedonia, un pen menge o Debleskro lab!”

1. Korintarja 4:4

Me djinau gar, te anom doosh ap mande. Ninna te djinom kowa gar, krell man kowa gar tchatcho glan o Debleste. Kowa, kai o tchatchepen pral mande wi-rakrella, hi kokres maro rai Jesus.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

Jakobo 3:2

Mer halauter krah bud kope, hoi gar mishto hi. Koon rakrell an kek tsiro tchilatcho koowa, kowa hi i latcho mensho, kai nai rikrell pes khetne.

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.

1. Samuel 24:10

un penas ap o Saul: “Hoske shuneh tu ap i laba kol menshendar, kai tuke penenna: ‘O David rodella tiri bibacht?’

1. Samuel 24:12

Miro dad, dik kau kotar dran tiri baja an miro wast! Me tchinom les dran tiri baja tele, un dom tut gar mulo. Ap kowa nai dikeh un haiweh, te hom kek phukepaskro un kamau tut kek tchilatchepen te krell. Tu leh man palla te dess man mulo, ninna te krom tuke tchi.

1. Samuel 26:11

O baro Dewel mu rikrell man pale, te taprap me koles an, kones job peske win rodas. Le kanna leskro witsepaskro tchuri, hoi pash leskro shero an i phub dino hi, un leskro panjeskro khoro, te djas mer menge!”

1. Samuel 26:23

O baro Dewel dell latchepen hakeneste, kai ap leste rikrella, un an o tchatchepen djiwella. Kau diwes das lo tut an miro wast, un me kamom tut gar te dukrell – tut, ko wi-rodedes o baro Deblestar.