Debleskri gili 16:8 - O Debleskro Drom 2021 (Sinte)

⁸ Miro baro Dewel hi man hako tsiro glan mire jaka. Job te hi ap miri tchatchi rig, nai hom me soreles tardo.

O Debleskro Lab 2024 (Sinte-Manouche)

⁸ Miro baro Devel hi man hako tsiro glan mire yaka. Yob te hi ap miri čači rig, nay hom me zoreles tardo.

Debleskri gili 16:8 ပူးပေါင်းရင်းမြစ်များ

Debleskri gili 109:31

Job well o tchorweleske ap i rig, un lell les win dran i wasta kolendar, kai penenn: “Job hunte well maredo.”

Debleskri gili 110:5

O baro Dewel hi ap tiri tchatchi rig tardo, un dell bare rajen khetne ap ko diwes, kai leskri choli wella,

Debleskri gili 121:5

O baro Dewel rikrell peskre wasta pral tute, un atchell ap tiri rig.

Debleskri gili 139:18

Te kamoms les tele te ginell, wals kowa budeder har i santa pash o baro pani. Te stau pre o wawar diwes, hom gomme pash tute.

Debleskri gili 15:5

Te patsas lo peskre lowe, lell lo gar budeder lowe pale. Ninna te denn le les shukar koowa, anell lo kek chochepen ap koleste, kai kek tchilatchepen kras. Koon jaake djiwella, kowa hi soreles tardo an peskro djipen.

Debleskri gili 21:8

O baro rai patsell ap o baro Debleste, ko Debleste pral halauter. Un dran o Debleskro latchepen nai atchell o baro rai soreles tardo.

Debleskri gili 62:3

Job hi mange har i baro sorelo kheer ap i barreskri berga, kai man khatrau, un job ap mande jak della, jaake te perap gar.

Debleskri gili 62:6

Pash o Debleste kokres hi miro djijes kek daar! Djinau, job hi, kai krell halauter mishto.

Debleskri gili 62:7

Job hi har i baro sorelo kheer ap i barreskri berga, kai man khatrau, un job ap mande jak della, jaake te perap gar.

Debleskri gili 73:23

Kanna atchau hako tsiro pash tute. Tu rikreh man pash miro tchatcho wast.

Debleskri gili 73:26

Te djal i soor peske dran mande, un miro dji buder gar sorelo hi, palle atcheh tu, miro Dewel, hako tsiro miri soor un miro brawlepen.

Hebrearja 11:27

Dran peskro patsepen djas o Mose win dran o them Egiptia, un daras gar o baro rajestar pral o them Egiptia, te well job chojedo ap leste. Na-a. Job rikras jaake ap o Debleste, koles kek nai dikella, har te dikals les lo peskre jakentsa.