Debleskri gili 15:5 - O Debleskro Drom 2021 (Sinte)

⁵ Te patsas lo peskre lowe, lell lo gar budeder lowe pale. Ninna te denn le les shukar koowa, anell lo kek chochepen ap koleste, kai kek tchilatchepen kras. Koon jaake djiwella, kowa hi soreles tardo an peskro djipen.

O Debleskro Lab 2024 (Sinte-Manouche)

⁵ Te patsas lo peskre love, lell lo gar boudeder love pale. Ninna te denn le les shoukar koova, anell lo kek rhorhepen ap koleste, kay kek čilačepen kras. Koon yaake djivella, kova hi zoreles tardo an peskro djipen.

Debleskri gili 15:5 ပူးပေါင်းရင်းမြစ်များ

Debleskri gili 106:3

Bachteles hi kolla, kai leskre laba rikrenna, un hako tsiro o tchatchepen krenna.

Debleskri gili 112:6

Job atchell soreles tardo hako tsireske. Kowa, kai an o tchatchepen tardo hi, well an kek tsiro bistedo.

Debleskri gili 16:8

Miro baro Dewel hi man hako tsiro glan mire jaka. Job te hi ap miri tchatchi rig, nai hom me soreles tardo.

Debleskri gili 55:22

Leskro rakepen hi gudlo har gwin. An leskro dji kamell le o kurepen. Leskre laba hi har djet, un tchinenn har chare.

2. Mose 22:24

Te patseh lowe i tchorweleske mire menshendar, palle kre tut ap leste gar braweles! Un le lestar gar budeder pale, har les dal.

2. Mose 22:25

Te hi jek tire menshendar tuke lowe sijaan, un tu leh leskri baja ko tsireske, kai job tuke lowe sijaan hi, palle dik, te dess leste peskri baja pale glan ko tsiro, kai o kham tele djal.

Gosewe laba 10:30

Kowa, kai an o tchatchepen tardo hi, atchell hako tsiro soreles tardo. I tchilatche atchenn gar an o them.

Gosewe laba 12:3

O tchilatchepen dell kekes i soor, te atchell lo soreles tardo. Kowa, kai an o tchatchepen hi, atchell soreles tardo har i ruk bare drabentsa.

Gosewe laba 15:27

Koon chochepah peskro brawlepen khetne lell, anell peskri familja an i bibacht. Koon mukell pes gar te ginell, sawo djiwell.

Jesaja 33:15

Kolla, kai an o tchatchepen tardo hi, un rakrenn, hoi tchatcho hi; kolla, kai kekeske chochepah lowe tele lenn, te wenn le brawelo, un tserdenn pengre wasta pale, te kamell jek len lowe te dell, te anenn le chochepen pre; kolla, kai shunenn gar ap kolende, kai kamenn jekes te marell, un kolla, kai djan gar kolentsa, kai o tchilatchepen krenn,

Ezekiel 18:17

Job rikrell peskro wast pale, te krell lo kek tchilatchepen. Te patsas lo lowe win, lell lo gar budeder lowe pale. Jaake djiwell lo pal miro tchatchepen un krell, hoi lestar kamau. Sawo mensho hunte merell gar. Job atchell djido, ninna te las leskro dad bud doosh ap peste.

Ezekiel 18:27

I tchilatcho, kai djas tele peskro tchilatcho dromestar, un djiwell buder gar an o tchilatchepen, un krell kanna hoi mishto un tchatcho hi, kowa atchell djido.

Ezekiel 18:8

Te patsas lo lowe win, lell lo peske gar budeder lowe pale. Job rikrell peskro wast pale, te krell lo kek tchilatchepen. Un an i tchingepen dell lo jak, te lell hakeno peskro tchatchepen.

Ezekiel 22:12

Hi sawe mank tumende, kai mukan pen te plaissrell, te marenn le jekes. Kolen, kai sijaan pash tumende hi, kolendar lenn tumer budeder lowe pale, har patsan lenge. Tumer krenn tumen braweles ap i wawarende, kolen tumer chochenn un ap lende sorjah djan. Un man, o baro Debles, tumaro rajes, bistran tumer.

Micha 7:3

Lengre wasta hi sik, te krenn le tchilatcho koowa. I pralstune un tchatchepangre raja denn kolen o tchatchepen, kai denn len lowe. Kol sorele an o them krenn, hoi le kamenn, chochenn un rissrenn o tchatchepen trujel.

Mateo 26:15

un putchas lendar: “Kitse lowe denn man tumer, te dau les an tumare wasta?” Un jon dan les trijanda rupene beme.

Johanni 13:17

Tumer djinenn kowa kanna halauter. Te krenn tumer kowa, han bachtelo.

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

5. Mose 23:21

Jekestar, kai hi dran i wawar them, nai leh tu budeder, har tu leske patsal, tiro phralestar less tu gar budeder. Palle nai dell tut tiro baro Dewel bacht an halauter, hoi tu an-tapreh an ko them, an koleste tumer wenn, te lenn les tumenge dren.

1. Samuel 12:3

Doleske hom kanna glan tumende tardo: Stenn pre un rakrenn kate glan o baro Debleste un glan o baro rajeste, kones job win rodas: Koneskri grumni lom me? Koneskri esla? Kones chochrom me? Konestar lom i sorjah, hoi leske his? Konestar mukom man te plaissrell, te pandap mire jaka glan leskro tchilatcho koowa. Me te krom kowa, palle kamau les me pale te dell.”