Debleskri gili 148:8 - O Debleskro Drom 2021 (Sinte)

⁸ jag, brishineskre barra, gib un jagakro ducho, un o sorelo phurdepen, hoi krell, hoi job penell.

O Debleskro Lab 2024 (Sinte-Manouche)

⁸ yag, brishineskre barra, gib oun yagakro dourho, oun o zorelo phourdepen, hoy krell, hoy yob penell.

Debleskri gili 148:8 ပူးပေါင်းရင်းမြစ်များ

1. Mose 19:24

Koi mukas o baro Dewel jag un jagakri khand pral i forja Sodom un Gomorra te perell dran o bolepen.

Hiob 37:12

Kol wolke djan kate te kote, jaake har job len bitchrell, te krenn le halauter jaake, har job les kamell ap i tseli phub.

Debleskri gili 103:20

Sharenn o baro Debles, tumer bolepangre, kai han leskre sorele kurepangre, un krenn, hoi job penell, un shunenn ap leskre laba!

Debleskri gili 18:12

Kali rat his leskro ripen, An kalo pani un pesse wolke his lo khatedo.

2. Mose 10:13

Un o Mose hadas peskro kasht pral o them Egiptia. Kote mukas o baro Dewel ko tselo diwes un i tseli rat jek sorelo ducho pral o them te phurdell, hoi was katar, kai o kham pre djal. Un taissarlakro phurdas ko ducho i stepangre an o them.

2. Mose 10:19

Un o baro Dewel kras, te phurdas ko baro ducho kanna soreles katar, kai o kham tele djal. Un ko ducho hadas i stepangre pre un witsras len an o baro pani, hoi kharella ‘Baro Lolo Pani’. An o tselo them Egiptia atchas kek stepaskro pral.

2. Mose 14:21

Un o Mose hadas peskro wast pral o baro pani. Un o baro Dewel mukas i baro sorelo ducho pral o pani te phurdell, hoi was kotar, kai o kham pre djal. Ko ducho phurdas i tseli rat. Un o baro pani djas pale. Kote, kai pani his, hi kanna phub, hoi gar sapenes hi. Un o baro pani kras pes pre, te was i drom.

Jesaja 66:16

I jagah un peskro chareha krell o baro Dewel o tchatchepen win pral i tsele menshende, un bud lendar wenn jaake maredo.

3. Mose 10:2

Kote djas jag o baro Deblestar win, un chatchras len pre. Jon meran kote glan o baro Debleste.

Amos 4:13

O Dewel hi kowa, kai kras i berge, un mukell o phurdepen pral i phub te djal. Job sikrell i menshende, hoi kamell lo te krell. Job mukell o kham pre un tele te djal. Job hi o rai pral i tseli phub. Leskro lab hi: Baro Dewel, rai pral o bolepen un i phub.

Amos 7:4

Palle mukas man o baro Dewel, maro rai, i wawar dikepen te dikell: Job das i baro tatepen gole, te dell lo i menshen i phagi. Un o tatepen chas o baro pani pre, hoi tel i phub hi, un kamas o them pre te chatchrell.

Jona 1:4

Kote mukas o baro Dewel i sorelo phurdepen pral o baro pani te well, hoi jaake sorelo his, te kamas ko shiffo khetne te phagell.

Jona 1:5

Un i bari traash was ap kol tsele murshende, kai ap ko shiffo budran. Un jon dan i bari gole hakeno ap peskro debleste. Un jon witsran ko koowa, hoi ap ko shiffo tchiddo his, an o baro pani, te well ko shiffo buder gar jaake pharo. Un o Jona his tele an o shiffo, his koi tchiddo, un sowas soreles.

4. Mose 16:35

Un o baro Dewel bitchras jag, kai chas kol 250 (dui-sheel-te-paash-sheel) murshen pre, kai anan ko sungepaskro koowa o Debleske.

Josua 10:11

Un har i Amorarja glan i Israelitarja nashan ap o drom, hoi djal tele pash Bet-Horon, kote mukas o baro Dewel brishineskre barra dran o bolepen ap lende te perell ap o tselo drom bis pash Aseka, jaake te wan le i barrendar mulo dino. Un kol brishineskre barra maran budeder lendar har i Israelitarja o chareha mulo dan.

Debleskro tsiro 16:21

Un das brishin har bare barra. Kolla his jaake pharo har i mensho, un peran tele dran o bolepen ap i menshende. Har i menshe sawi bari phagi lan, praassan le o Debles.