Debleskri gili 146:7 - O Debleskro Drom 2021 (Sinte)

⁷ un kolen pengro tchatchepen dell, kai tele rikedo wenn. Kolen, kai bokenn, dell lo te chal. O baro Dewel hi kowa, kai i stilde win lell dran o stilepen.

O Debleskro Lab 2024 (Sinte-Manouche)

⁷ oun kolen pengro čačepen dell, kay tele rikedo venn. Kolen, kay bokenn, dell lo te rhal. O baro Devel hi kova, kay i stilde vin lell dran o stilepen.

Debleskri gili 146:7 ပူးပေါင်းရင်းမြစ်များ

Debleskri gili 10:18

Un tu deh o tchatchepen i tchorwelenge un kolenge, kai len kek dad buder hi, jaake te nai krell buder kek mensho i wawarenge daar ap kai phub.

Debleskri gili 103:6

O baro Dewel tchiwell o tchatchepen pre, un dell kolende pengro tchatchepen, kai wenn tele rikedo.

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Debleskri gili 136:25

Job dell chapen hake menshende un viechende. Leskro latchepen atchella hako tsireske!

Debleskri gili 142:7

Shun, har dau gole. Mange hi ropaske. Le man win dran i wasta kolendar, kai man palla lenn! Jon hi sorleder har me.

Debleskri gili 35:10

Lauter, hoi an mande hi, penell: Baro Dewel, koon hi jaake har tu? Tu leh o tchorweles win dran i wasta kolendar, kai sorleder hi har job. Tu leh koles, kai bibachtelo un tchorwelo hi, win dran i wasta kolendar, kai tchoran leskro koowa.

Debleskri gili 68:6

O Dewel, kai djiwell an peskro railo kheer, job hi i dad kolenge, kolen kek dad buder hi. Un job well kol romjenge ap i rig, kolengro rom meras.

Debleskri gili 68:7

Kolen, kai kokres hi, anell lo khere, kolen, kai stilde hi, lell lo win dran o stilepen, te djal lenge pale mishto. Hi wawartchandes kolentsa, kai kamenn tchi lestar te djinell: Kolla hunte atchenn an o mulo them.

Debleskri gili 72:4

O baro rai mu rakrell i tchorwelenge mishto, un well ap i rig kolendar, kai tele rikedo wenn, un stakrell kolen khetne, kai len dukrenna.

Debleskri gili 9:16

I menshe an wawar themma, peran an koi cheb, hoi jon i win hadan. An koi netsa, hoi jon win tchiwan, tapran le pen kokres.

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

Jesaja 9:4

I lurdengre kircha, kolentsa i lurde phares pre stakran un lengre baja, kai rat ap lende hi, wenn an i jag witsedo un chatchrenn pre.

Jeremia 31:14

I rashaja wenn pale tchalo o feteder massestar. Un mire menshenge dau budeder har doha chapaske, penell o baro Dewel.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Louka 1:53

Kolen, kai bok his, das job te chal. Un kol brawelen bitchras lo krik. Un jon nai lan tchi peha.

Louka 4:18

O Debleskro Ducho hi ap mande. Job rodas man win, te penap i tchorwelenge o Debleskro latcho lab. Un job bitchras man, te penap kolenge, hoi stilde hi, te wenn le dran lengro stilepen win, un kolenge, kai korelo hi, te dikenn le pale, un kolenge, kai pale-tchiddo hi, te wenn le pale erligo,

Louka 9:17

Un jon chan, un wan lauter tchalo. Un jon hadan kol kotja pre, hoi pral atchan. Koi wan deesh-te-dui marengre gone pherdo.

Bičepangre 16:26

Ap jek kopo trissas i phub, un ko kheer, kai o stilepen his, peras khetne. I wudja stan pre, un ap i stilde peran i sasterne shelle tele.

Bičepangre 5:19

An i rati was i bolepaskro o Deblestar un kras kol wudja an o stilepen pre, un anas len win, un penas ap lende: