Debleskri gili 146:5 - O Debleskro Drom 2021 (Sinte)

⁵ Bachtelo hi kowa, koleske o Jakobeskro Dewel ap i rig well, awa, kowa hi bachtelo, kai kokres ap peskro baro Debleste dikell.

O Debleskro Lab 2024 (Sinte-Manouche)

⁵ Barhtelo hi kova, koleske o Yakobeskro Devel ap i rig vell, ava, kova hi barhtelo, kay kokres ap peskro baro Debleste dikell.

Debleskri gili 146:5 ပူးပေါင်းရင်းမြစ်များ

Debleskri gili 144:15

Bachteles hi kol menshe, kolenge jaake djala! Awa, bachteles hi kol menshe, kolengro Dewel o baro Dewel hi!

Debleskri gili 71:5

Miro rai, tu baro Dewel, ap tute dikau, fun tiknes pre patsom ap tute.

Debleskri gili 33:12

Bachtele hi kol menshe, kolengro Dewel o baro Dewel hi, kol menshe, kai job peske wi-rodas, te wenn le leskre menshe.

Debleskri gili 84:12

Maro baro Dewel hi o kham maro djipaske. Job rikrell peskre wasta pral mende. O baro Dewel dell men latchepen un railepen. Kolen, kai o djijestar ap leste shunenna, dell lo hako latchepen, hoi len hunte wella.

Debleskri gili 46:11

“Mukenn tele”, dell lo gole, “un haiwenn, te hom me o Dewel. Me hom o pralstuno pral i menshende an i tsele themma, awa, o pralstuno pral i tseli phub.”

1. Petro 1:21

Job anas tumen ap o Debleskro drom. O Dewel kras les i mulendar djido, un das les peskro railepen. Doleske tchiwenn tumaro tselo patsepen ap leste!

Debleskri gili 84:8

Pale te pale lenn le newi soor, bis te dikenn le o tchatcho Debles ap i berga Zion.

Debleskri gili 46:7

Job te dell gole, darenna i menshe an i wawar themma, un bare rajenge well i soor krik lino pral pengre themma. I tseli phub trissella i darjatar.

Debleskri gili 39:7

O mensho well un djal pale har i suni. O mensho budrella bud tchitcheske un krell bud gole trul tchi. Job anell peske bud brawlepen khetne, un djinell gar, koon kowa lella.

2. Mose 3:6

Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

5. Mose 33:29

Bachtelo han tumer, Israelitarja! Koon hi jaake har tumer? Tumen kokres las o baro Dewel dran o pandepen win. Job well ap tumari rig, un rikrell peskro wast pral tumende. Job kurell pes tumenge, un krell, te wenn tumer sorleder har kolla, kolentsa kurenn tumen. Jon hunte witsrenn pen tele glan tumende, un tumer djan pral lende wergel.

1. Mose 50:17

‘Jaake hunte penenn ap o Josefeste: Mangau tut, biste ko tchilatcho koowa, hoi tire phrala ap tute kran!’ Doleske mangah mer, kai ninna tiro dadeskro Debles an-gole dah: Biste ko tchilatchepen, hoi mer kram!” Har o Josef kowa shunas, rowas job.

Debleskri gili 20:8

Wawar menshe patsenna ap i soor pengre grajendar un wurdja. Mer dah gole ap maro baro Debleste.

Debleskri gili 46:8

O baro Dewel, ko rai pral o bolepen un i phub, hi ap mari rig. Job hi o Jakobeskro Dewel un rikrell peskre wasta pral mende.

Gosewe laba 16:20

Kowa, kai dell jak ap o lab, hoi leske penlo was, hatsell bacht, un kowa hi bachtelo, kai tchiwell peskro dji ap o baro Debleste.