Debleskri gili 146:4 - O Debleskro Drom 2021 (Sinte)

⁴ O menshengro djipen atchell gar. Un job well pale tchik i phubjatar. Ko diwes, kai merell lo, djala lauter nashedo, hoi job peske glan las.

O Debleskro Lab 2024 (Sinte-Manouche)

⁴ O menshengro djipen ačell gar. Oun yob vell pale čik i phoubyatar. Ko dives, kay merell lo, djala lauter nashedo, hoy yob peske glan las.

Debleskri gili 146:4 ပူးပေါင်းရင်းမြစ်များ

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

1. Mose 6:17

Dik! Me mukau i baro pani te well pral i tseli phub, te tassenn lauter, kai djipen an lende hi. Halauter merella, hoi ap i phub djiwella.

Hiob 14:10

Merell i mursh, hi lo buder gar. Kek ducho atchell an leste. Kai hi lo?

Hiob 14:21

Te wenn leskre tchawe an-dikle menshe, job djinell kowa gar. Te well tele diklo ap lende, job haiwell kowa gar.

Hiob 17:1

Man hi buder kek soor. miro djipen hi trujel. Ap mande lurell o handako.

Hiob 17:11

Miro djipaskro tsiro hi trujel. Kowa, hoi me mange lauter glan lom, un hoi miro dji kamas, was tchitcheske.

Hiob 27:3

Jaake rah har an mande gomme djipen hi, un o ducho o Deblestar an miro nak hi,

Debleskri gili 104:29

Tu te djah lendar krik, taprell len i daar. Tu te leh lendar o ducho, merenn le, un wenn pale tchik.

Debleskri gili 33:10

O baro Dewel mukell kowa gar te well, hoi kol menshe an i wawar themma kamenn te krell. Lenge tchiwell lo barra an o drom.

Debleskri gili 90:3

Tu penell menge: “Awenn pale, tumer menshe!” Un mukeh men pale tchik te well.

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Sikepaskro 9:6

Har i menshe kaman len, un har choiran le pen pral lende, un har silweran jon ap lende, kowa lauter hi buder gar koi. Len hi tchi buder i menshentsa ap kai phub khetne, un koleha, hoi kerdo well ap kai phub.

Jesaja 2:22

Mukenn tele i menshendar! Lengro djipen hi jaake tikno har i ducho. Hoi hi le moldo?

Ropaskre gilja 4:20

Maro rajes, koles o baro Dewel win rodas, lan le pandlo. Job his kowa, kolestar maro djipen was, un lestar patsam, te rikrell lo peskro wast pral mende, te nai krenn men i wawar themma tchi.

Daniel 5:23

Un tu hadal tut pral leste, ko bolepaskro rajeste, un penal, te anenn le i khore dran leskro kheer glan tute. Un tumer pijan mool dran lende, tu un tire bare mursha, ninna tire romja un wawar djuwja. Un tu sharal i deblen dran rup un sonakai, dran lolo saster un wawar saster, kasht un bar, kol deblen, kai gar dikenn un gar shunenn. Ko Debles, koles tiro ducho an peskro wast hi, un pash koleste tire tsele dromma hi, koles hadal tu gar.

1. Korintarja 2:6

Kowa, hoi mer penah i patslenge, hi o Debleskro goswepen. Kau goswepen hi gar har ko goswepen, kai well kol menshendar, kai prindjrenn o Debles gar, witar gar har o goswepen kolendar, kai hi raja ap kai phub. Kolla hunte merenn.