Debleskri gili 145:3 - O Debleskro Drom 2021 (Sinte)

³ Sorelo hi o baro Dewel un bud moldo, te well lo sharedo. Kek haiwell, har baro job hi.

O Debleskro Lab 2024 (Sinte-Manouche)

³ Zorelo hi o baro Devel oun boud moldo, te vell lo sharedo. Kek hayvell, har baro yob hi.

Debleskri gili 145:3 ပူးပေါင်းရင်းမြစ်များ

1. Familjakro liil 16:25

O baro Dewel hi o pralstuno, un hakeno hunte sharell les. Mank i tsele wawar debla hi job kowa, konestar daras mer.

Hiob 26:14

Dik, kawa hi tchi har i tikno kotar kolestar, hoi job kras. Un hoi lestar shunam, hi gar budeder har i tikno lab. Kek nai haiwell, har baro leskri soor tchatchepah hi!

Hiob 36:26

Dik, o Dewel hi jaake baro, te nai haiwah gar, har baro job hi. Un kek nai hatsell win, har phuro job hi.

Hiob 37:23

Pash leste, ko soreleste, nai wah mer gar. Leskri soor hi baro. Hako tsiro krell lo, hoi mishto hi, un dell hakeneske peskro tchatchepen.

Hiob 5:9

Job hi kowa, kai krell bud baro un sorelo koowa, hoi kek haiwell un kek wawar nai krell.

Hiob 9:10

Job krell sawo baro un sorelo koowa, te nai haiwah les gar, sawo bud baro koowa, hoi kek wawar nai krell, te nai djinah gar, har bud kowa hi.

Debleskri gili 139:6

Tu prindjreh man jaake mishto, kowa hi mange bares un phares. Me nai haiwau kowa gar.

Debleskri gili 147:5

Baro hi o Dewel, maro rai, un les hi bari soor. Kowa lauter, hoi job an peskro goswepen krella, haiwah nai gar.

Debleskri gili 48:1

I gili jekestar dran i familja Korach.

Debleskri gili 96:4

O baro Dewel hi o pralstuno, un hakeno hunte sharell les. Mank i tsele wawar debla hi job kowa, konestar daras mer.

Jesaja 40:28

Haiwan tumer gar? Shunan tumer gar? O baro Dewel hi i Dewel kai atchell hako tsireske. Job kras i tseli phub. Khino well lo gar, un lestar djal i soor gar krik. Leskro goswepen hi jaake baro, te nai hatsell les kek win.

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.

Debleskro tsiro 15:3

Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!