Debleskri gili 143:12 - O Debleskro Drom 2021 (Sinte)

¹² Tu hal jaake latcho ap mande. Doleske le kolen krik, kai ap mande djan, un mare lauteren, kai mange miro djipen phares krenn. Me hom tiro budepaskro!

O Debleskro Lab 2024 (Sinte-Manouche)

¹² Tou hal yaake lačo ap mande. Doleske le kolen krik, kay ap mande djan, oun mare lauteren, kay mange miro djipen phares krenn. Me hom tiro boudepaskro!

Debleskri gili 143:12 ပူးပေါင်းရင်းမြစ်များ

Debleskri gili 116:16

Ach, baro Dewel, me hom jek kolendar, kai tuke budrenn. Awa, tiro budepaskro hom un budrau tuke har miri dai kras. Tu kral i shelle pre, hoi pandan man.

Debleskri gili 119:94

Me hom tiro un kamau te krap, hoi mange peneh. Doleske ab ap miri rig!

Debleskri gili 52:5

Tu kameh o tchilatchepen budeder har o latchepen. Un o chochepen kameh tu budeder har o tchatchepen.

Debleskri gili 54:5

Menshen, kai me gar prindjrau, kolla hadenn pen ap mande, depangre kamenn man te marell. O Dewel hi len gar glan i jaka.

Debleskri gili 54:7

Tu deh kolen ko tchilatchepen pale, hoi jon kaman ap mande te anell. Sike mande, te hal mantsa, un le len krik kai phubjatar!

Debleskri gili 55:23

Witse kowa, hoi tuke phares hi, ap o baro Debleste! Job hi kowa, kai lell tiro koowa an peskro wast. An kek tsiro mukell job koles te perell, kai an o tchatchepen tardo hi.

1. Samuel 25:29

Un te hadell pes i mensho, te lell lo tut palla, un kamell tut te marell, palle rikrell o baro Dewel peskre wasta pral tiro djipen, jaake har jek i kutch bar an peskri possita khatrell. Kolla, kai kamenn tut te marell, lengro djipen well krik witsedo, har jek i bar krik witsrella!

1. Samuel 26:10

Palle penas lo: “Me dau man sowel pash o djido Debleste: Job kokres marell les, nai well ap leskro tsiro, kai hunte merell lo, nai well an o marepen.