Debleskri gili 143:11 - O Debleskro Drom 2021 (Sinte)

¹¹ Baro Dewel, rike tire wasta pral miro djipen jaake har penal. Tu hal an o tchatchepen tardo. Doleske le man win dran i bibacht!

O Debleskro Lab 2024 (Sinte-Manouche)

¹¹ Baro Devel, rike tire vasta pral miro djipen yaake har penal. Tou hal an o čačepen tardo. Doleske le man vin dran i bibarht!

Debleskri gili 143:11 ပူးပေါင်းရင်းမြစ်များ

Debleskri gili 119:107

Miro dji hi phares dukedo, baro Dewel. De man pale newi soor jaake har tu mange penal!

Debleskri gili 119:25

An i tchik hom witsedo. De man pale newi soor jaake har tu mange penal!

Debleskri gili 119:37

Kre, te dikap gar ap kowa, hoi tchi moldo hi, un de man pale newi soor ap tiro drom!

Debleskri gili 119:40

Pen mange, hoi te krap tuke! Tu hal an o tchatchepen tardo. De man pale newi soor an miro djipen!

Debleskri gili 119:88

Tu hal jaake latcho, de man pale newi soor, te rikrap tire laba, hoi sikrenn menge har te djiwas.

Debleskri gili 138:7

Ninna te hom an i daar, deh tu man newi soor, un tchiweh tut kolenge an o drom, kai kamenn mange tchilatchepen te krell. Tiri sorjah weh tu ap miri rig.

Debleskri gili 143:1

I gili o Davidestar. Baro Dewel, shun miro mangepen! De jak ap miro ropen! Tu hal latcho un tchatcho! Doleske shun man!

Debleskri gili 25:11

Baro Dewel, kre tiro lab baro, un le miri doosh mandar krik, hoi jaake bares hi!

Debleskri gili 25:17

I daar an miro dji hi baro. Le man win dran miri bibacht!

Debleskri gili 31:1

I gili o rajeske pral i gipangre. O David kras kai gili.

Debleskri gili 34:19

O baro Dewel hi pash kolende, kai lengro dji phagedo hi. Un kolenge, kai dikenn buder kek momeli an pengro djipen, hi lo ap i rig tardo.

Debleskri gili 71:2

Tu kreh, hoi tchatcho hi. Doleske ab tu ap miri rig un le man win dran i tchilatche wasta! Shun miri gole un rike man!

Debleskri gili 85:6

Kameh i tsele tsirja ap mende chojedo te atchell? Mukeh tu buder gar tiri choljatar tele?

Habakuk 3:2

Baro Dewel, me shunom, hoi tu lauter kral, Har baro hal tu, baro Dewel! Kre sawo koowa pale an maro tsiro, sawo baro koowa, muk les men ninna te dikell an maro tsiro! An tiri choli biste gar tiro kamlepen!