Debleskri gili 143:10 - O Debleskro Drom 2021 (Sinte)

¹⁰ Sike mange, hoi tuke shukar hi, te krap me, tu hal miro Dewel. Tiro latcho ducho mu sikrell man o tchatcho drom.

O Debleskro Lab 2024 (Sinte-Manouche)

¹⁰ Sike mange, hoy touke shoukar hi, te krap me, tou hal miro Devel. Tiro lačo dourho mou sikrell man o čačo drom.

Debleskri gili 143:10 ပူးပေါင်းရင်းမြစ်များ

Nehemia 9:20

An tiro latchepen penal lenge, hoi te krenn le. Un tiro maro dran o bolepen dal len chapaske, ninna pani, har len trush his.

Debleskri gili 118:28

Tu hal miro Dewel. Pash tute kamau man te parkrell. Miro Dewel, tut kamau me te sharell.

Debleskri gili 119:12

Sharedo wess tu, mo baro Dewel! Tu sikral mange, hoi mandar kameh.

Debleskri gili 119:35

Ab mange ap i rig, te rikrap tire laba! Shukar hi le mange.

Debleskri gili 139:24

Un te dikeh, te hom ap i drom, hoi tutar krik djala, palle ab un le man pale ap ko drom, hoi pash tute djala!

Debleskri gili 140:6

Kol pre-phurde tchiwan mange dorja win, te stakrap dren un perap. Jon tchiwan i netsa win ap miro drom, te taprenn le man.

Debleskri gili 22:1

I gili o rajeske pral i gipangre, te giwell har koi gili ‘I wesheskri grumni, hoi sik ap o diwes tradedo wella.’ O David kras kai gili.

Debleskri gili 23:3

Job dell miro djipen newi soor. Job anell man ap o tchatcho drom, jaake har job peskro lab koi pre das.

Debleskri gili 25:12

Hoi hi ko mursheha, kai djiwell o baro Debleha? Koleste sikrell lo hawo drom job te djal.

Debleskri gili 27:11

Baro Dewel, sike man tiro drom! Un an man ap o tchatcho drom, te hunte rikrenn kolla pengro mui, kai mange tchilatchepen kamenna.

Debleskri gili 31:14

Me shunau, har rakrenn le djungeles pral mande. I traash hi trul mande. Jon tchiwenn pen khetne, un rodenn i drom, har te denn le man mulo.

Debleskri gili 63:1

I gili o Davidestar. Job kras kai gili an o mulo tato them Juda.

Jesaja 29:10

O baro Dewel tchiwas i sopaskro ducho ap tumende. O Debleskre rakepangre hunte wans tumare jaka, – o Dewel kras len korelo, un i dikepangre dikenn buder tchi, har te wals i diklo trul lengre jaka pandlo.

Jesaja 63:14

Har grumja, kai djan i berga tele, te hatsenn le senlepen, jaake anas o baro Dewel peskre menshen kote, kai len doha djipaske his. Awa, baro Dewel, jaake anal tu len pengro drom, un kral tuke i railo lab.

Micha 4:2

Bud menshe dran wawar themma wenn kai, un penenn: “Awenn, djas pral ap i berga o baro Deblestar, pash ko kheer kolestar, kai o Jakobeskro Dewel hi. Kote sikrell job mende, har te djas ap leskro drom, te djiwas mer jaake har job kamell.” I berga Zion hi koi platsa, kai sikrell job i menshende, hoi lo lendar kamell. Un dran Jerusalem djan sawe menshe win, kai penenn i wawarenge o baro Debleskro lab.

4. Mose 9:22

Te atchas koi wolka dui diwessa, jek tchon, ninna budeder tsiro pral o kheer tardo, jaake atchan i Israelitarja, un djan gar dureder. Un te hadas pes koi wolka, djan jon dureder.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Johanni 14:26

Me te hom buder gar pash tumende, bitchrell o dad tumenge o rakepaskres, kai well ap tumari rig. Kowa hi o Debleskro Ducho. Un job penell tumenge halauter jaake, te nai haiwenn kowa mishto. Un job mukell tumenge halauter an o shero te well, hoi me tumenge penom.

Remarja 15:13

Un o Dewel, kolestar o tselo latchepen wella, ap koleste dikah, lestar mangah, te wenn tumer tchalo i bachtjatar an o dji dran tumaro patsepen, jaake te djinenn tumer: Ko latchepen, hoi dell men o Dewel an o tsiro, hoi wella, kowa well tchatchepah. Un o Debleskro Ducho dell tumen i soor, te dikenn bud un budeder ap o Debleste.

Remarja 15:30

Mire phrala, mangau tumendar an o lab maro rajestar o Jesus Kristestar, un an o kamlepen, hoi o Debleskro Ducho men das: Mangenn mantsa khetne o Debles o tselo djijeha,

Remarja 5:5

Un kau patsepen mukell jekes gar nashedo te djal. O Dewel kamell men o tselo djijeha. Kowa sikras men o Debleskro Ducho, hoi o Dewel an mende das.

Remarja 8:2

Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

Remarja 8:26

Ninna well o Debleskro Ducho ap mari rig, kai ham gar sorelo. Te kamah mer te rakras o Debleha un djinah gar, hoi te mangas lestar, palle rakrell o Debleskro Ducho menge i labentsa, hoi kek nai rakrell win.

Efesarja 4:30

Te krenn tumer i tchilatcho koowa, palle dukrenn o Debleskro Ducho an tumare djia. O Dewel das les tumende, te sikrell lo, kai leskro han ap ko diwes, kai lell lo tumen dran o tselo tchilatchepen win.

Efesarja 5:9

Lauter kolla, kai ap leskro drom djana, krenn kowa, hoi latcho un tchatcho hi, un penenn o tchatchepen.

2. Timoteo 1:7

O Debleskro Ducho, hoi o Dewel men das, kowa krell men gar dareno, na-a, o Debleskro Ducho dell men soor, kamlepen i wawarenge, un o goswepen, har te djiwas.

Hebrearja 13:21

Mangau o Deblestar, te dell lo tumen i soor, te krenn lauter kowa, hoi latcho hi, jaake har job kamella. Mu dell lo men i soor, te djiwas jaake, har mishto hi glan leskre jaka. O Jesus Kristo nai krell kowa. Sharas o Jesus Kristes kanna un hako tsiro! Amen.

1. Johanni 2:27

O Jesus Kristo das tumen o Debleskro Ducho. Kowa atchell an tumende. Doleske hunte well tumen kek wawar sikepaskro. O Debleskro Ducho sikrell tumende o tselo Debleskro drom. Un lauter, hoi job tumende sikrell, kowa hi tchatcho un kek chochepen. Krenn kowa, hoi o Debleskro Ducho tumende sikrella! Jaake atchenn tumer o Jesus Kristeha khetne.