Debleskri gili 141:2 - O Debleskro Drom 2021 (Sinte)

² Muk miro mangepen tuke jaake shukar te well, har chatchroms me tuke sungepaskro koowa. Dik ap mire pre-hadede wasta jaake har ap i viecho, hoi mukoms tuke rati te chatchrell.

O Debleskro Lab 2024 (Sinte-Manouche)

² Mouk miro mangepen touke yaake shoukar te vell, har rhačroms me touke soungepaskro koova. Dik ap mire pre-hadede vasta yaake har ap i firho, hoy moukoms touke rati te rhačrell.

Debleskri gili 141:2 ပူးပေါင်းရင်းမြစ်များ

1. Rajengro liil 18:36

Un har ko tsiro was, kai rati o Debleskro chapen anlo was, djas o Elija pash koi chatchepaskri un kharas: “Baro Dewel, tu o Dewel o Abrahamestar, o Isaakestar un o Israelestar, kau diwes mu well diklo, kai tu hal o Dewel an Israel, un me hom tiro budepaskro, un krom kau tselo koowa jaake, har tu mange penal.

Esra 9:4

Un pash mande wan halauter kolla khetne, kai an i traash his, hoi o Dewel pral o them Israel penella, kai leskre laba wan i pirentsa stakedo kolendar, kai wan dran o them Babilonia pale pale. Un me homs koi beshdo har mulo, bis te was rati - ko tsiro, kai o Debleske i viecho anlo un maredo well.

Debleskri gili 134:2

Hadenn tumare wasta pre an leskro Debleskro kheer, un sharenn o baro Debles!

Debleskri gili 28:2

Shun ap miro ropen! Shun, har ap tute gole dau! Dik ap mire wasta, hoi me pre-hidjrau pash tiro kheer, kai tu hal!

Debleskri gili 5:3

De jak ap miri gole! Tu hal miro baro rai un miro Dewel, koles me mangau.

Debleskri gili 63:4

Tiro latchepen hi mange budeder moldo har o djipen. Doleske sharau tut.

2. Mose 29:39

ko jek bakro taissarlakro un ko wawar bakro ap i rat.

2. Mose 35:15

ko bob, kai ko sungepaskro koowa chatchedo wella un leskre hidjepaskre kashta; ko makepaskro djet; ko kutch sungepaskro koowa; koi plachta an o khereskro wudar;

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Daniel 9:21

koi was ap jek kopo ko mursh Gabrijel ap tchirklengre mussja pash mande dren. Koles dikom an o dikepen ap ko tsiro, kai rati o Debleske i viecho anlo well.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

4. Mose 16:35

Un o baro Dewel bitchras jag, kai chas kol 250 (dui-sheel-te-paash-sheel) murshen pre, kai anan ko sungepaskro koowa o Debleske.

Bičepangre 3:1

His jek diwes, his trinenge, koi djan o Petro un o Johanni an o Debleskro baro kheer, te mangenn le o Debles an.

1. Timoteo 2:8

Jaake kamau me, te mangenn i mursha o Debles an, kote, kai i patsle khetne wenna. Kal mursha hunte djiwenn pengro djipen jaake, har o Dewel kamella. Te hadenn le pengre wasta pre, te mangenn le o Debles an, palle hunte denn le jak, te well kek choli un kek tchingepen an lengre djia.

Debleskro tsiro 5:8

Un har las job o liil, peran kol star sorele bolepangre un kol biish-te-star tchatchepangre phure glan o terno bakro tele. Un hakenes lendar his i bashepaskri. Un jon bashran i shukar bashepen. Len his ninna sonakangre tchare pherdo gudlo kasht, hoi o Debleske chatchedo wella, un mishto sungella. Ko gudlo kasht hi o mangepen, hoi o Debleskre menshe pengro Deblestar mangan.