Debleskri gili 140:5 - O Debleskro Drom 2021 (Sinte)

⁵ Baro Dewel, de ap mande jak, te taprenn man i tchilatche gar! Khate man glan i marepangre, glan kolende, kai kamenn te perap!

O Debleskro Lab 2024 (Sinte-Manouche)

⁵ Baro Devel, de ap mande yak, te taprenn man i čilače gar! Khate man glan i marepangre, glan kolende, kay kamenn te perap!

Debleskri gili 140:5 ပူးပေါင်းရင်းမြစ်များ

Hiob 18:9

Pandle dorja rikrenn leskro piro soreles un mukenn les gar buder win.

Debleskri gili 119:110

I tchilatche tchiwan dorja win, te taprenn le man. Me mukau gar tire laba, hoi menge penenn, hoi te kras mer.

Debleskri gili 119:69

Kol pre-phurde anan chochepen pre ap mande. Miro tselo djijestar krau me kowa, hoi tu menge penal.

Debleskri gili 119:85

Kol pre-phurde kran chebja, te perap dren, kolla, kai djan gar ap tiro drom.

Debleskri gili 142:3

Leske penau lauter, hoi ap miro dji hi, un mukau les te djinell, hoi mange phares hi.

Debleskri gili 31:4

Awa, tu hal mange har i sorelo kheer ap i baro bar. Dja mantsa un an man ap i drom, kai kek nai taprell man, te well tiro lab sharedo.

Debleskri gili 35:7

Jon tchiwan mange i netsa win, te perap dren, ninna te krom me lenge tchi. Tchitcheske hadan le mange i cheb win, te perap dren.

Debleskri gili 36:11

Tchip tiro latchepen ap kolende, kai tut prindjrenna, un muk tiro tchatchepen te well kolenge, kai shunenn ap tute o tselo djijestar.

Debleskri gili 43:1

Miro Dewel, kre te lap miro tchatchepen! Le miro koowa an tiro wast, un rake mange latches pash kol menshende, kai kamenn tchi tutar te djinell! Le man win dran o wast i chochenendar un tchilatchendar!

Debleskri gili 57:6

Sike tiro barepen, hoi bareder hi har o bolepen, miro Dewel! Tiro railepen mu well pral i tseli phub!

Gosewe laba 24:15

Ma lure har i tchilatcho ap o kheer kolestar, kai an o tchatchepen tardo hi! Ma de koi platsa khetne, kai tchiwell lo pes sopaske!

Gosewe laba 29:5

Kowa, kai makell i wawareske gwin trul o mui, kowa tchiwell i netsa khatedo win glan koleskre pire.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Jeremia 18:20

Jon lurenn koi pre, te taprenn le man. Hi kowa mishto, te krenn le mange tchilatchepen, ninna te krom lenge latchepen? Ma biste, har me glan tute tardo homs, te rakrap lenge mishto, te less tiri choli lendar krik!

Jeremia 18:22

Bitche lurden, kai wenn ap jek kopo pral lende un lengre khera, te denn le gole i trashatar! Jon lurenn koi pre te taprenn le man, un tchiwan dorja, te taprenn mire herja koi dren.