Debleskri gili 140:13 - O Debleskro Drom 2021 (Sinte)

¹³ Me djinau, te lell o baro Dewel i tchorwelengro koowa an peskro wast, un dell jak, te lenn le pengro tchatchepen.

O Debleskro Lab 2024 (Sinte-Manouche)

¹³ Me djinau, te lell o baro Devel i čorvelengro koova an peskro vast, oun dell yak, te lenn le pengro čačepen.

Debleskri gili 140:13 ပူးပေါင်းရင်းမြစ်များ

Hiob 36:6

Job mukell o tchilatches gar djides, un well koleske ap i rig, kai tele rikedo well, te lell job peskro tchatchepen.

Debleskri gili 11:7

O baro Dewel hi an o tchatchepen tardo, un kamell hakenes, kai o tchatchepen krella. Koon ap leste shunella peskro tselo djijeha, kowa dikell les peskre jakentsa.

Debleskri gili 16:11

Tu sikreh o drom, kai an o djipen anell. Pash tute hom bachtelo. Te hom kote, kai tu hal, bashrell miro dji hako tsiro.

Debleskri gili 23:6

Tchatchepah, tiro latchepen djal mange palla, un hako diwes kreh tu tiro dji mange pre, jaake rah, har me djiwau. Un me atchau an o baro Debleskro kheer hako tsiro.

Debleskri gili 32:11

Tumer, kai an o tchatchepen tardo han, awenn bachtelo pral tumaro baro Debleste! Mukenn tumare djia san un bashrenn! Denn gole i bachtjatar, tumer lauter, kai shunenn o tselo djijeha ap o Debleste.

Debleskri gili 35:10

Lauter, hoi an mande hi, penell: Baro Dewel, koon hi jaake har tu? Tu leh o tchorweles win dran i wasta kolendar, kai sorleder hi har job. Tu leh koles, kai bibachtelo un tchorwelo hi, win dran i wasta kolendar, kai tchoran leskro koowa.

Debleskri gili 73:24

Tu aneh man ap ko drom, hoi tut mange hi. Un pal miro djipen ap kai phub leh tu man pash tute an tiro railepen.

Debleskri gili 97:12

Awenn bachtelo pral o baro Debleste, tumer, kai an o tchatchepen tardo han! Un parkrenn tumen pash leste, kai kokres o tchatcho Dewel hi!

Gosewe laba 22:23

O baro Dewel lell lengro koowa an o wast. Un kowa, kai len win randas, koleske lell job o djipen krik.

Jesaja 3:10

I bacht well ap kolende, kai an o tchatchepen tardo hi! Un lauter djal lenge mishto. Ko latcho koowa, hoi le kran, well ap lende pale.

Johanni 14:3

Un te krom halauter jaake, te nai tserdenn dren, wau me pale, un lau tumen pash mande, te wenn tumer kote, kai me hom.

Johanni 17:24

Tata, me kamau, te wenn kolla, kai tu man dal, pash mande, kote, kai me hom, te dikenn le miro railepen un miri soor, hoi tu man dal. Tu kamal man o djijestar, har o bolepen un i phub gar koi his.

1. Tessalonikarja 4:17

Palle wah mer, kai ham gomme djido, lentsa khetne pre hadedo un ap i wolke pash o rajeste, o Jesuseste, an o bolepen anlo. Un pash leste atchah hako tsiro.