Debleskri gili 136:2 - O Debleskro Drom 2021 (Sinte)

² Sharenn o Debles, kai hi bareder har i tsele debla. Leskro latchepen atchella hako tsireske!

O Debleskro Lab 2024 (Sinte-Manouche)

² Sharenn o Debles, kay hi bareder har i tsele debla. Leskro lačepen ačella hako tsireske!

Debleskri gili 136:2 ပူးပေါင်းရင်းမြစ်များ

5. Mose 10:17

Tumaro baro Dewel hi o Dewel pral hako dewel un o rai pral hako rai. Job hi o baro un o sorelo, kolestar halauter darenn. Job dikell gar koi pre, koon jek hi. Un job lell tchi an, hoi kamell jek les te dell, te rissrell lo o tchatchepen trujel.

Debleskri gili 97:9

Tu, baro Dewel, hal o pralstuno pral i tseli phub. Tu hal bareder har i tsele debla.

Daniel 2:47

Un o baro rai penas ap o Daniel: “Tchatchepah tumaro Dewel hi o Dewel pral i tsele debla, un o rai pral i tsele bare raja ap kai phub. Job sikrell kowa, hoi khatedo his un kek djinas. Jaake nai penal tu menge, hoi koi suni kamas te penell.”

2. Familjakro liil 2:5

Koon nai krell leske i kheer? O tselo bolepen hi gar bares doha leske. Koon palle hom me, te krap leske i kheer? Halauter hoi nai krau, hi, te krap i platsa, kai nai chatchrah sungepaskro koowa glan leste.

Josua 22:22

“O baro Dewel hi bareder har i tsele wawar debla! O baro Dewel hi bareder har i tsele wawar debla. Job djinell un tumer hunte djinenn kowa ninna: Mer mukam les gar un hadam men gar pral leste. Te hi kawa gar o tchatchepen, nai denn men mulo.

2. Mose 18:11

Kanna haiwom, te hi o baro Dewel bareder har hako wawar dewel. Job las i Israelitarja win dran o wast i Egiptarendar, kai kran pen bares pral lende.”

Debleskri gili 97:7

Ladj ap kolende, kai krenn penge wawar debla, un sharenn pen pengre mule deblentsa! Perenn tele ap i phub, tumer wawar debla, glan o baro Debleste!

Debleskri gili 82:1

I gili o Asafestar. O Dewel hi tardo mashkral o bolepaskro tsillo, un rakrell o tchatchepen win pral i debla.