Debleskri gili 135:12 - O Debleskro Drom 2021 (Sinte)

¹² Lengre themma das lo peskre menshende Israel, te wenn le lengre.

O Debleskro Lab 2024 (Sinte-Manouche)

¹² Lengre themma das lo peskre menshende Israel, te venn le lengre.

Debleskri gili 135:12 ပူးပေါင်းရင်းမြစ်များ

Debleskri gili 78:55

Job tradas i tsele wawar menshen glan lende win, un das lengro them peskre menshende, hakeneste kol deesh-te-dui bare familjendar das lo lengro kotar, te well ko them lengro. An i plachtene khera kol wawar menshendar mukas lo i Israelitarjen te djiwell.

4. Mose 33:54

Un tumer hunte denn hakenes i kotar them. Witsrenn i bachtjakre barra, te hatsenn win, hawe menshe hawo kotar them lenna. Kal familjen, kolen bud menshe hi, hunte denn bud them. Un kol familjen, kolen gar bud menshe hi, hunte denn gar jaake bud.

5. Mose 29:8

Doleske denn jak ap kal laba, hoi tumaro Dewel tumentsa win krell. Djiwenn pal lende, te djal tumenge halauter mishto, hoi tumer krenna.

Josua 11:23

Un jaake har o baro Dewel ap o Mose penas, las o Josua o tselo them dren, un das les i Israelende. Hakeneste kol deesh-te-dui Israeleskre tchawendar das lo peskro kotar them, te wenn le kote khere. Un jon hunte djan buder gar an o kurepen.

Josua 12:7

Har o Josua o pralstuno pral i Israelitarja his, kuran le pen kol bare rajentsa un lengre lurdentsa an ko them, hoi ap kai rig o panjestar Jordan tchiddo hi, kai o kham tele djal. Un i Israelitarja wan i sorleder, un lan kolengro them dren. Kau them hi tchiddo mank o foro Baal-Gad an i tala Libanon un i berga Halak, hoi pre djal pash i berge Seir. Un kau them, hoi jon dren lan, das o Josua i menshende dran i wawar khera, kai wan o Israeleskre tchawendar, haki familja peskro kotar,