Debleskri gili 132:5 - O Debleskro Drom 2021 (Sinte)

⁵ bis te hatsom i platsa o baro Debleske, un krom i kheer o Jakobeskro sorelo Debleske.”

O Debleskro Lab 2024 (Sinte-Manouche)

⁵ bis te hatsom i platsa o baro Debleske, oun krom i kheer o Yakobeskro zorelo Debleske.”

Debleskri gili 132:5 ပူးပေါင်းရင်းမြစ်များ

2. Samuel 6:17

Har jon o Debleskro mochton dren anan, tchiwan jon les ap leskri platsa mashkral an o plachteno kheer, hoi o David leske pre tchiwas. Un o David chatchras viechen o baro Debleske, un maras wawar viechen, te chan le len khetne glan o baro Debleste.

2. Samuel 7:1

Har kanna o baro rai an peskro kheer beshdo his, un o baro Dewel kolen lauteren lestar krik rikras, kai trul leste djiwan un leha tchingepen kaman,

1. Rajengro liil 8:17

Un o Salomo penas palle: “Miro dadeske, o Davideske his ap o dji tchiddo, te krell lo i kheer o baro Debleske, kai o Israeleskro Dewel hi.

1. Rajengro liil 8:27

Nai well tchatcho, kai o Dewel kamell te djiwell ap i phub? O tselo bolepen hi gar bares doha leske. Har nai krals kowa kau kheer, hoi me mukom te krell?

1. Familjakro liil 15:12

Un job penas ap lende: “Tumer han i pralstune pral tumare menshende dran o kheer Levi. Krenn tumen djudjo o Debleske, tumer un tumare phrala, te nai anenn o mochton o deesh labentsa o baro Deblestar, kai o Israeleskro Dewel hi, ap ko kotar phub, hoi me rodom leske win!

1. Familjakro liil 15:3

Un o David mukas i tsele Israelitarjen an o foro Jerusalem khetne te well, te nai anenn le o mochton o baro Debleskre deesh labentsa ap ko kotar phub, kai was leske win rodedo.

1. Familjakro liil 22:7

Un o David penas ap o Salomo: “Miro tchawo, an miro dji his, te krap i kheer o baro Debleske, kai miro Dewel hi.

1. Familjakro liil 28:2

Un o baro rai David stas pre un penas: “Mire phrala, murshale mire menshendar, shunenn, hoi penau tumenge! An miro dji his, te krap i kheer, kai well o mochton o deesh labentsa o baro Deblestar dren tchiddo, un kai nai atchell o mochton. Kowa hi har i tikno banko tel i pire maro Deblestar. Un me lom bud koowa khetne kau khereske, hoi kamom pre te tchiwell.

2. Familjakro liil 2:6

Doleske mangau tut, bitche mange i murshes i latcho wasteha, kai haiwell shukar koowa te krell dran o sonakai, rup, lolo saster un wawar saster, lole thaba, blauete thaba un thaba, hoi hi lolo har jag. Ninna hunte haiwell lo te dell shukar koowa win tchurje dran kasht un wawar koowa. Kowa te krell lo khetne kol murshentsa, kai haiwenn pen mishto ap koi budi, un kai pash mande hi an o them Juda un an o foro Jerusalem, kolen miro dad, o David, mange das, te krenn le koi budi.

Jesaja 66:1

O baro Dewel penell: O bolepen hi miri raili beshepaskri, un i phub i tikno banko, kai me mire herja pre tchiwau. Hawo kheer kamenn tumer mange pre te tchiwell, An hawo kheer kamenn tumer, te djiwap?

Efesarja 2:22

Ninna tumer djiwenn o Jesus Kristeha khetne. Doleske han tumer ninna har barra an o Debleskro kheer, kai o Debleskro Ducho djiwella.