Debleskri gili 132:11 - O Debleskro Drom 2021 (Sinte)

¹¹ O baro Dewel das o Davideste i sowel, un job lell koi sowel gar pale. Un job penas: Me rodau jekes tire tchawendar win, te well lo baro rai pal tute.

O Debleskro Lab 2024 (Sinte-Manouche)

¹¹ O baro Devel das o Davideste i sovel, oun yob lell koy sovel gar pale. Oun yob penas: Me rodau yekes tire čavendar vin, te vell lo baro ray pal toute.

Debleskri gili 132:11 ပူးပေါင်းရင်းမြစ်များ

2. Samuel 7:12

Te hi tiro tsiro trujel, un tu mereh, hadau jekes tire tchawendar, kai pal tute wenna, te well lo baro rai, un atchell kowa.

2. Samuel 7:14

Me kamau leskro dad te well. Un job well miro tchawo. Un job te krell i tchilatcho koowa, dau me les i phagi, jaake har menshe i phagi denna.

2. Samuel 7:16

Hako tsiro hi tut tchawe, kai pal tute wenna, un jek lendar hi baro rai glan mande. Un tiro rajengri beshepaskri atchell hako tsiro.”

1. Rajengro liil 1:48

Ninna penas lo: ‘Sharenn o baro Debles, kai o Israeleskro Dewel hi! Kau diwes tchiwas lo jekes mire tchawendar ap miro rajeskri beshepaskri, un mukas man kowa gomme te dikell!’”

1. Rajengro liil 8:25

Kanna, baro Dewel, tu Dewel pral o Israel, rike ninna tiro wawar lab, hoi tu dal miro dadeske, o Davideske, kai tuke koi his. Tu penal, te well hako tsiro jek dran o Davideskri familja o rai pral o Israel. Kowa djal jaake rah, har denn leskre tchawe garda ap pengre dromma, te djiwenn le glan tute jaake, har o David glan tute djiwas.

2. Familjakro liil 6:16

Kanna, baro Dewel, tu Dewel pral o Israel, rike ninna tiro wawar lab, hoi tu dal miro dadeske, o Davideske, kai tuke koi his. Tu penal, te well hako tsiro jek dran o Davideskri familja o rai pral o Israel. Kowa djal jaake rah, har denn leskre tchawe garda ap pengre dromma, te djiwenn le ap tiro drom jaake, har o David glan tute djiwas.

2. Familjakro liil 7:18

palle krau me, te well hako tsiro jek tire menshendar o baro rai pral Israel. Jaake krom tiro dadeske o Davideske win, un penom: “An tiri familja hi hako tsiro i mursh koi, kai well o rai pral Israel.”

Debleskri gili 110:4

O baro Dewel das pes sowel, un job las lat gar pale. Job penas: “Tu hal rashai hako tsireske, sawo har o Melchisedek his.”

Debleskri gili 89:33

palle dau len dawa lengri doshake, un duka lengro tchilatchepaske.

Debleskri gili 89:35

Koi sowel, hoi lenge dom, phagau gar. Un kol laba, hoi dran miro mui djan, krau me gar wawartchandes.

Debleskri gili 89:37

te wenn o Davidestar bare raja an hake tsirja, jaake rah har o kham koi hi,

Debleskri gili 89:5

I menshe, kai tutar wenna, hako tsireske jon atchenna. Dran tiro kheer i bare raja wenna, un hako tsiro i raja atchenna.”

4. Mose 23:19

O Dewel hi gar i mensho, kai chochella, witar gar i mensheskro tchawo, koles khaitell, hoi job kras. Penell job tchomone, hoi job gar krella? Penell job kowa, kai rikrell job gar?

Louka 1:32

Kowa well i baro rai. Job well kharedo Debleskro tchawo. Un o Dewel krell lestar i baro rai pral Israel, jaake har jek leskre phurendar, o David, o baro rai his.

Bičepangre 2:30

O David his i Debleskro rakepaskro, kai nai dikas glan-wi, hoi wella. O David djinas, hoi o Dewel leske penas, te well jek pal leste, hoi well o baro rai. Un kowa wella leskre menshendar. O Dewel das pes sowel, te well kowa jaake.

Hebrearja 6:18

Ko lab, hoi das o Dewel un das peskro wast pre, nai well an kek tsiro krik lino. O Dewel chochella gar. Un mer, kai wam pash leste, te lell lo men dran o tchilatchepen win, men hi kanna leskro sorelo lab, te dell lo men o djipen, hoi gar pre-herella, jaake har job penas.

1. Samuel 15:29

Ko Dewel, koleha o Israel nai sharell pes, kowa chochella gar, un leskre laba khaitenn les gar. Job hi kek mensho, koles peskre laba nai khaitans.”