Debleskri gili 123:4 - O Debleskro Drom 2021 (Sinte)

⁴ Dik, har rah sanenn i brawele pral mende! Har rah dikenn kolla ap mende tele, kai pre-phurde hi.

O Debleskro Lab 2024 (Sinte-Manouche)

⁴ Dik, har rah sanenn i bravele pral mende! Har rah dikenn kolla ap mende tele, kay pre-phourde hi.

Debleskri gili 123:4 ပူးပေါင်းရင်းမြစ်များ

Nehemia 2:19

Kote his ninna mursha, kai praassan men un san pral mende, har shunan le kowa. Jon his o Sanballat, ko Horonari, un leskro budepaskro, o Tobija, ko Ammonari, un o Geshem, ko Arabari. Kolla penan: “Hoi hi kowa, hoi kote krenn? Kamenn tumer o baro rajestar tele te perell?”

Hiob 12:5

Kolla, kai lenge mishto djal, dikenn tele ap koleste, kai an i bibacht hi, un stakrenn kolen gomme, kolengre herja trissenn.

Hiob 16:4

Te wans tumer ap miri platsa, palle nai rakroms me jaake har tumer nai kroms bare laba pral tumende, un trissloms miro shero pral tumende.

Debleskri gili 119:51

Ninna te sanenn pre-phurde menshe pral mande, mukom gar tiro drom.

Jesaja 32:11

Trissenn, tumer djuwja, kai tumenge kek shero krenn, trissenn i darjatar, tumer, kai dikenn kokres ap tumende! Riwenn tumare ripja win, un tchiwenn i gono trul tumende!

Jesaja 32:9

Shunenn mishto, tumer djuwja, kai tumenge kek shero krenn pral kowa, hoi wella! Tumer tcha, kai dikenn kokres ap tumende, krenn tumare kanda pre un shunenn, hoi me rakrau!

Jeremia 48:11

Jaake rah har o them Moab koi hi, djiwan leskre menshe kek kurepah. An kek tsiro hunte djan i Moabarja an o pandepen. Jon nai atchan khere jaake har i mool, kai atchas an jek kashtengri piri, un was gar tchoredo dran jek piri an i wawar. Doleske sungell li pal peste kokres, un lakro sungepen atchas ap leste.

Jeremia 48:29

An hako tsiro was penlo pral o them Moab, har pre-phurdo job hi, un hawo sharedo job hi, har rikrell lo bud pestar, hawo baro mujeskro job hi, un har dikell lo tele ap i wawarende!

Amos 6:1

Djungeles djal kolenge, kai djiwenn i shukar djipen ap i berga Zion! Djungeles djal kolenge, kai djiwenn an o foro Samaria, un krenn pen kek shero! Djungeles djal tumenge, kai han i raja pral Israel – koi an-dikli natsjona, pash kolende i Israelitarja wenna!

Bičepangre 17:21

I tsele menshe an o foro Athen, ninna kol wi-themarja, kai djiwenn pash lende, kolen his tchi wawar an o shero, har te shunenn le i newo koowa, un te rakrenn le pral kowa.

Bičepangre 17:32

Har shunan le, kai rakrell o Paulo pral i mursheste, kai mulo his un pale djido was, his lenge sapaske. Wawar penan: “Tu te peness menge pral ko koowa i wawar kopo budeder.”

Bičepangre 26:24

Har o Paulo kowa rakras, te sikrell lo, kai hi kek doosh ap leste, das o Festo gole: “Paulo, tu hal dinelo! Tu hal jaake gosewo, te wal narwelo.”

1. Korintarja 4:13

Te rakrenn jon djungeles mentsa, rakrah mer latches lentsa. Mer ham har tchik hako mensheske, har tchik ham lenge bis kanna.

1. Samuel 17:42

Un har o Goliat gomme i kotar krik his, dikas lo, te his o David i terno mursh lole tchamentsa un shukar. Un glan leskre jaka his o David har tchik.