Debleskri gili 123:3 - O Debleskro Drom 2021 (Sinte)

³ Kre tiro dji menge pre, baro Dewel, kre tiro dji menge pre! Har rah dikenn le ap mende, har te wams tchi moldo!

O Debleskro Lab 2024 (Sinte-Manouche)

³ Kre tiro dji menge pre, baro Devel, kre tiro dji menge pre! Har rah dikenn le ap mende, har te vams či moldo!

Debleskri gili 123:3 ပူးပေါင်းရင်းမြစ်များ

2. Samuel 6:16

Un har o Debleskro mochton an o Davideskro foro anlo was, dikas i Michal, kolakro dad o Saul his, dran i wochni, un dikas o baro rajes o David, har job khelas un stas glan o Debleste, un an lakro dji dikas li tele ap leste.

2. Rajengro liil 19:3

Un jon hunte penan leske: “Kawa penell o Hiskija: ‘Kau diwes hi i diwes pherdi traash, phagi un ladj. Hi jaake har penlo well: O ternepen kamell ap kai phub te well, un i dat hi kek soor, te anell li les win.

Hiob 19:15

Kolla, kai mantsa an miro kheer djiwenn un kol djuwja, kai mange budrenn, an lengre jaka hom har i wi-themari, har jek, koles prindjrenn jon gar.

Debleskri gili 4:1

I gili o rajeske pral i gipangre, te giwell pash o bashepen ap i dorjengri bashepaskri. O David kras kai gili.

Debleskri gili 57:1

I gili o rajeske pral o gipangre, te giwell har koi gili ‘Ma mare men’. O David tchinas kai gili an ko tsiro, har job glan o Saul ap o naashepen his, un pes an koi grotta khatras.

Jesaja 53:3

I menshe dikan tele ap leste, un tchiwan les ap i rig. I mursh pherde duka un nasslepen his lo. I grecho his lo lenge, glan koleste jon pengro shero krik rissran. Un menge his lo tchi-moldo.

Ropaskre gilja 3:30

Te lell lo i tchamedini, mu te rikrell lo peskri tcham koleske koi, kai dell les. Mu rikrell lo o praassepen win!

Ezekiel 36:15

Me krau, te shuness buder gar o praassepen kolendar dran wawar themma, un hunte ladjess tut buder gar glan lende. Tu kreh buder gar, te hi tumare menshen buder kek tchawe. Kawa penell o baro Dewel, maro rai.

Ezekiel 36:6

Doleske pen glan-wi, hoi pral o them Israel wella. Pen ap i bare un tikne berge, ap i panja un tale: Kawa penell o baro Dewel, maro rai: Tumer hunte hidjran sawo baro praassepen kol wawar menshendar. Doleske hom chojedo pral lende, un an miri tati choli rakrau i phagi win pral lende.

Louka 16:14

Kol Farisarja shunan kowa lauter. Jon his pal i lowe, un jon san pral o Jesuseste.

Louka 23:35

Un i menshe, kai koi pashel tardo his, dikan kowa lauter, hoi o Jesuseha djas. Kol pralstune bibolde, kai kote tardo hi, san pral leste, un penan: “Wawaren las job dran o merepen win. Te hi lo tchatchepah o Kristo, ko baro rai, kones o Dewel win rodas, te well lo pash mende, palle nai djals job o trushelestar tele.”