Debleskri gili 121:8 - O Debleskro Drom 2021 (Sinte)

⁸ O baro Dewel rikrell peskre wasta pral tute ap tire tsele dromma, kote kai weh un kote kai djah kanna un hako tsiro.

O Debleskro Lab 2024 (Sinte-Manouche)

⁸ O baro Devel rikrell peskre vasta pral toute ap tire tsele dromma, kote kay veh oun kote kay djah kanna oun hako tsiro.

Debleskri gili 121:8 ပူးပေါင်းရင်းမြစ်များ

2. Samuel 5:2

Glan i rah tsiro har o Saul baro rai pral mende his, anal tu o Israel an o kurepen un pale khere. Un o baro Dewel penas tuke ninna: ‘Tu dess jak ap mire menshende Israel, un tu wess o rai pral o Israel.’”

Esra 8:21

Un me mukom kote pash o pani Ahawa i tsiro win te kharell, kai chas mer tchi, un djas ap i tchanga glan maro Debleste, te djal lauter mishto ap maro drom, te djah an maro them, un te wenn kek tchilatche menshe pral mende un mare tchawende un halauter hoi men hi.

Esra 8:31

Ap o deesh-te-duito diwes an o ersto tchon kram men ap o drom un mukam ko pani Ahawa pal mende, te djas an o foro Jerusalem. Un maro Debleskro wast his pral mende un das men gar an i wasta kolendar, kai kaman maro merepen un kai men ap o drom palla lan.

Debleskri gili 113:2

Mu well o baro Debles sharedo kanna un hako tsireske!

Debleskri gili 115:18

Mer, i djide, sharah tut kanna un hako tsireske. Sharedo well o baro Dewel!

Debleskri gili 125:2

Jaake har i berge trul o foro Jerusalem hi, jaake hi o baro Dewel trul peskre menshende kanna un hako tsiro.

Debleskri gili 131:3

Israel, dik ap o baro Debleste, kanna un hako tsiro.

Gosewe laba 2:8

Job well ap i rig kolenge, kai krenn o tchatchepen, un rikrell peskre wasta pral kolende, kai djan ap leskro drom.

Gosewe laba 3:6

Rike tut ap o baro Debleste, hoi tu ninna kreh! Un job krell tiro drom tchatcho glan tute.

5. Mose 28:19

Bibacht well ap tumaro drom, te djan ap i budi un te wenn khere.

5. Mose 28:6

Leskri bacht well ap tumaro drom, te djan ap i budi un te wenn khere.