Debleskri gili 121:7 - O Debleskro Drom 2021 (Sinte)

⁷ O baro Dewel rikrell peskre wasta pral tiro djipen, te taprell tut kek bibacht.

O Debleskro Lab 2024 (Sinte-Manouche)

⁷ O baro Devel rikrell peskre vasta pral tiro djipen, te taprell tout kek bibarht.

Debleskri gili 121:7 ပူးပေါင်းရင်းမြစ်များ

1. Mose 28:15

Tu djiness, me hom tuha un dau garda ap tute, kote, kai tu djah. Un anau tut pale an kau them. Me mukau tut gar, bis te krom halauter, hoi tuke penom.”

1. Familjakro liil 4:10

Un o Jabez das gole ap o Israeleskro Debleste un penas: Tchip tiri bacht ap mande, un kre miro them bareder har lo kanna hi. Ab mantsa, un rike tiro wast pral mande, te well nai kek duk pral mande! Un o Dewel mukas te well, hoi job putchas peske lestar.

Debleskri gili 145:20

Kolla, kai les o djijestar kamenna, pral kolende rikrell lo peskre wasta. Kolla, kai tchilatcho koowa krenna, mukell lo te merell.

Debleskri gili 34:22

O tchilatcho merell dran peskro tchilatchepen. Un kolla, kai kamenn tchilatchepen ap i latchende te anell, lenna pengri phagi.

Debleskri gili 41:2

Bachtelo hi kowa, kai dell jak ap kolende, kai gar soreles hi. Ap ko diwes, kai les i bibacht taprella, lell o baro Dewel les win.

Debleskri gili 97:10

Tumer, kai o baro Debles kamenna, stakrenn o tchilatchepen khetne. O baro Dewel rikrell peskre wasta pral o djipen kolendar, kai leskre hi, un lell len win dran o wast i tchilatchendar.

Gosewe laba 12:21

Kek tchilatcho koowa well ap kolende, kai an o tchatchepen tardo hi. Ap i tchilatchende well bud bibacht.

4. Mose 6:24

Mu dell tut o baro Dewel bacht un soor, un dell garda ap tute!

Mateo 6:13

Ma muk men tiro dromestar tele te djal! Le men dran o bengeskro wast win!

Remarja 8:28

Mer djinah, halauter well mishto kolenge, kai o Debles kamenna. Glan rah tsiro his o Debles an peskro dji, te dell lo menshen gole, te djiwenn le leha khetne.

2. Timoteo 4:18

Ninna an ko tsiro, hoi wella, lell man o Dewel dran o tselo tchilatchepen win, un lell man pash peste an o bolepen, kai job o rai hi. Les sharas mer kanna un hako tsiro. Amen!