Debleskri gili 121:3 - O Debleskro Drom 2021 (Sinte)

³ Job mukell tut gar te perell. Job sowell gar un rikrell peskre wasta pral tute.

O Debleskro Lab 2024 (Sinte-Manouche)

³ Yob moukell tout gar te perell. Yob sovell gar oun rikrell peskre vasta pral toute.

Debleskri gili 121:3 ပူးပေါင်းရင်းမြစ်များ

Debleskri gili 127:1

I gili o Salomestar te giwell ap o drom an Jerusalem. Te krell o baro Dewel gar o kheer, palle budrenn i budepangre tchitcheske. Te dell o baro Dewel gar jak ap o foro, palle hi tchitcheske, te denn mursha jak ap o foro.

Debleskri gili 41:2

Bachtelo hi kowa, kai dell jak ap kolende, kai gar soreles hi. Ap ko diwes, kai les i bibacht taprella, lell o baro Dewel les win.

Debleskri gili 55:23

Witse kowa, hoi tuke phares hi, ap o baro Debleste! Job hi kowa, kai lell tiro koowa an peskro wast. An kek tsiro mukell job koles te perell, kai an o tchatchepen tardo hi.

Debleskri gili 66:9

Job rikras men ap o djipen, un das jak, te peras gar.

Debleskri gili 91:12

te hidjrenn le tut ap pengre wasta, jaake te nai dukress tiri heri ap kek bar.

Gosewe laba 2:8

Job well ap i rig kolenge, kai krenn o tchatchepen, un rikrell peskre wasta pral kolende, kai djan ap leskro drom.

Gosewe laba 3:23

Jaake nai djah soreles tiro drom, un pereh gar pral i barra, hoi kote tchiddo hi.

Gosewe laba 3:26

O baro Dewel hi pash tute. Job dell jak ap tute, te stakress gar an i khatede dorja, hoi kamenn tut te taprell.

Jesaja 27:3

Me, o baro Dewel, dau ap leste jak, un dau les pale te pale pani. Kek tsiro mukau les dran miro jak, jaake te nai krell les kek tchomone.

1. Petro 1:5

kai patsenn ap leste. O Dewel rikrell tumen an peskro sorelo wast, bis te well ko diwes, kai lell tumen o Jesus Kristo dran i tseli bibacht win. Palle dikenn tumer har shukar kowa hi, hoi les tumenge hi.

1. Samuel 2:9

O baro Dewel rikrell kolen ap o tchatcho drom, kai leskre hi. Un kolla, kai kamenn lestar tchi te djinell, perenn an o tamlepen un merenn. Kek mensho well pestar sorelo.