Debleskri gili 12:6 - O Debleskro Drom 2021 (Sinte)

⁶ “Kanna”, penell o baro Dewel, “stau me pre. Ap i tchorwelende djan le sorjah. Me shunom lengro ropen. Kanna rikrau mire wasta pral hakeneste, kai peskro tselo djijeha kamell, te wap ap leskri rig.”

O Debleskro Lab 2024 (Sinte-Manouche)

⁶ “Kanna”, penell o baro Devel, “stau me pre. Ap i čorvelende djan le zoryah. Me shounom lengro ropen. Kanna rikrau mire vasta pral hakeneste, kay peskro tselo djiyeha kamell, te vap ap leskri rig.”

Debleskri gili 12:6 ပူးပေါင်းရင်းမြစ်များ

Gosewe laba 30:5

O Dewel rikrell hako lab, hoi das lo. Job rikrell peskre wasta pral kolende, kai wenn pash leste, te dell lo jak ap lende.

Debleskri gili 18:30

Awa, khetne tuha nai djau me an o kurepen. Khetne miro Debleha nai stau me pral bare pre-tchidde barra.

2. Samuel 22:31

I tsele dromma, kai o Dewel man anella, hi latcho. Leskre laba hi latcho un tchatcho. Job rikrell peskro wast pral hakeneste, kai well pash leste.

Debleskri gili 19:8

O baro Debleskre laba hi lauter tchatcho un krenn mare djia sorelo. O baro Debleskro rakepen hi latcho, un krell i dinelen gosewo.

Debleskri gili 66:10

Tu, maro Dewel, kamal te dikell, har maro dji ap tute rikrell. Doleske kral tu mentsa har o rupeha, hoi an jag thodo well, te well lo djudjo.

Debleskri gili 119:140

Tire laba hi latcho un tchatcho, un me, tiro budepaskro, kamau len miro tselo djijeha.

2. Mose 3:7

Un o baro Dewel penas: “Me dikom har djungelo mire menshenge djala an o them Egiptia. Me shunom lengri gole, har dan i pralstune chale len dawa. Me prindjrau lengre duka.

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

2. Mose 6:1

Koi penas o baro Dewel ap o Mose: “Kanna dikess tu, hoi me o Faraeske krau. Dran miri bari soor mukell lo len te djal. Miro wast well jaake sorelo ap leste, te tradell lo len dran o them win.”

Hiob 20:19

I tchorwelen rikras lo tele, un was lenge gar ap i rig. Job tradas menshen dran pengre khera, te lell lo peske kol khera, hoi job gar kras.

Hiob 28:1

Tel i phub nai hatsenn le rup. Un o sonakai, les hi i platsa, kai thowenn le les win.

Debleskri gili 9:13

Kowa, kai bistrell gar te dell lo kolen i phagi, kai lan i rateskri doosh ap pende. Job shunell i gole un o mangepen kolendar, kai tchorwelo un palla lino hi.

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Gosewe laba 22:23

O baro Dewel lell lengro koowa an o wast. Un kowa, kai len win randas, koleske lell job o djipen krik.

Jesaja 14:22

O baro Dewel, ko rai pral o bolepen un i phub, penell: Me hadau man pre ap i menshende an o foro Babilon. Leskro lab well bistedo. Un kek lendar atchell djido, witar gar lengre tchawe un tchawengre tchawe.

Jesaja 33:10

“Kanna kamau me pre te stell”, penell o baro Dewel. “Kanna hadau man un sikrau miri soor.”