Debleskri gili 112:9 - O Debleskro Drom 2021 (Sinte)

⁹ Job dell bud i tchorwelen. Leskro tchatchepen atchell hako tsireske. Leskri soor un leskro railepen well baro.

O Debleskro Lab 2024 (Sinte-Manouche)

⁹ Yob dell boud i čorvelen. Leskro čačepen ačell hako tsireske. Leskri zoor oun leskro raylepen vell baro.

Debleskri gili 112:9 ပူးပေါင်းရင်းမြစ်များ

Debleskri gili 111:3

Kowa, hoi o baro Dewel krella, hi railo un shukar. Un leskro tchatchepen atchella hako tsireske.

Debleskri gili 112:3

Lengre familje wenn brawelo. Len hi lauter, hoi len hunte well djipaske. Un lengro tchatchepen atchell hako tsireske.

Debleskri gili 75:10

Me kamau o Deblestar te rakrell hako tsiro. Un leske, ko Jakobeskro Debleske, giwau un bashrau.

Debleskri gili 92:10

Mer djinah, lauter, kai tut tchilatchepen kamenn, hunte merenn. Un lauter, kai tchilatcho koowa krenna, wenn krik tradedo.

Debleskri gili 92:11

Man kral tu sorelo har i diwjo gurum, un makal man newo djeteha, hoi pral mande tchoral.

Gosewe laba 14:24

O goswepen hi har shereskro sonakai i gosewenge. Ap o shero i narwelendar hi lengro dinlepen har i stadi.

Gosewe laba 19:17

Kowa, kai peskro dji pre krell un i tchorweles dell, kowa hi har jek, kai patsals o baro Debleske. Un o baro Dewel dell les ko latchepen pale, hoi lo kras.

Gosewe laba 21:26

O tselo diwes djal lenge kowa an o shero trujel, hoi kamenn le te lell. Kowa, kai an o tchatchepen tardo hi, kowa dell un rikrell gar pale.

Sikepaskro 11:6

Doleske tchip o djob taissarla an i phub, un muk gar tele bis an i rati. Tu djineh gar, hoi bares wella, kawa te kowa, oder hake dui.

Sikepaskro 3:6

Jek tsiro hi koi, te rodas tchomone, un jek tsiro, kai rodah buder gar. Jek tsiro hi koi, kai rikrah tchomone, un jek tsiro, kai witsrah les krik.

Jesaja 32:8

Ko pralstuno, kai hi an o tchatchepen tardo, lell peske tchatcho koowa glan. un mukell gar tele, te krell lo kowa ninna.

Jesaja 58:10

Tu dess tiro maro koles, kai bokell, un dess koles, kai les gar doha djipaske hi, lauter, hoi les hunte well. Palle djal tuke o kham pre an o kalepen, kai tu djiweh. Un tiri rati well har o mashkral-diwes.

Jesaja 58:7

De koles te chal, kai bokell! un le kolen khere pash tute, kai tchorwelo hi un ap o drom djiwenn. Te dikeh jekes, koles kek ripja hi, de les koola! Un ab tiri familjake koi!

Markus 14:7

I tchorwele hi hako tsiro pash tumende. Un te kamenn tumer, nai krenn tumer lenge latcho koowa. Me hom gar hako tsiro pash tumende.

Louka 11:41

Denn i tchorwelende kowa, hoi tumen an tumare khore un tchare dren hi! Un tchi hi tumenge pale-tchiddo.

Louka 12:33

Bikrenn, hoi tumen hi! Denn kol lowe i tchorwelende! Palle hi kowa jaake, har te krenn tumen i lowengro gono, hoi gar paash djala! Jaake krenn tumenge i baro brawlepen, hoi nashrenn nai gar. Kowa hi an o bolepen, kai kek tchorepaskro tumaro koowa hatsella, un kek kirme les nai pre chan!

Louka 16:9

Me penau tumenge: Tumare lowe atchenna gar. Denn len i tchorwelende, te wenn le tumare mala! Te hi kol lowe budeder tchi moldo, palle lenn le tumen kote an i khera dren, kai tumer hako tsiro nai atchenna.”

Louka 18:22

Har o Jesus kowa shunas, penas lo ap leste: “Jek hunte kress tu budeder. Bike lauter, hoi tut hi, un de kol lowe i tchorwelende! Palle hi tut i brawlepen an o bolepen. Un am un dja mantsa!”

Johanni 13:29

Mashkral lende his kolla, kai haiwan, har te penals o Jesus ap leste, te ginell job tchomone dren, hoi len hunte well ap o festo. Kol wawar haiwan, har te penals o Jesus, te dell job tchomone i tchorwelende. O Judas his kowa, kai hidjras koi possita lengre lowentsa pash peste.

Bičepangre 20:35

Jaake sikrom tumende, kai hunte budras, te nai dah ninna i tchorwelende tchomone. Ma bistrenn kol laba, hoi o rai Jesus penas: Kowa, kai della, hi bachtleder har kowa, kai lella.”

Bičepangre 4:35

un anan kol lowe pash i Jesuseskre bitchepangre. Un jon dan hakenes jaake bud, te his hakenes doha djipaske.

Remarja 12:13

Denn kol tchorwele patslende, hoi len hunte well djipaske! Kolla, kai pash tumende wenna, kolen lenn an tumare khera dren, un denn len te chal un te pijell!

2. Korintarja 8:9

Tumer djinenn, har latcho maro rai, o Jesus Kristo, ap tumende his. Job his brawelo, un was tumenge tchorwelo. Kowa was lo, te wenn tumer brawelo.

5. Mose 15:11

Hako tsiro hi tchorwele an o them. Doleske penau me tumenge: Krenn tumare wasta pre tumare phralenge, kolen gar doha djipaske hi!

5. Mose 15:14

Tu dess les tire bakrendar, tiro djobestar un tiri moljatar, halauterestar, hoi tiro baro Dewel tut das.

5. Mose 24:13

Te djal o kham tele, dess tu les kowa pale, te nai tchiwell lo pes tele an peskri plaashka, un job rakrell bacht pral tute win. Un jaake hal tu an o tchatchepen tardo glan tiro baro Debleste.

1. Timoteo 6:18

Pen kol brawelenge ninna, te krenn le latcho koowa! Lengro dji te well baro i wawarenge, te denn le ninna i wawaren dran pengro brawlepen!

Hebrearja 13:16

Ma bistrenn te krenn o latchepen! Denn i wawaren tchomone, te well len ninna tchomone! Kowa, hoi tumer i menshenge krenna, hi har te krans tumer les o Debleske. Un job dikell latches ap kowa.

Hebrearja 6:10

O Dewel hi latcho un tchatcho, un bistrell gar tumaro kamlepen ap leste, har budran i patslenge, un krenn kowa gomme kanna dureder.

Debleskro tsiro 22:11

Koon tchilatcho koowa krella, kowa krell kowa. Un koon djungelo koowa krella, kowa krell kowa. Un koon an o tchatchepen djiwella, atchell an o tchatchepen! Un koon o Debleha djiwella, kowa atchell o Debleha!

1. Samuel 2:1

Un i Hanna parkras pes pash o Debleste un penas: Miro dji hi bachtelo an o baro Debleste. Job hadas man pre un kras man soreles. Kanna nai sau pral kolende, kai man tiknes kran. Tu, miro Dewel, wal ap miri rig. Doleske hom bachtelo.

1. Samuel 2:30

Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.