Debleskri gili 112:8 - O Debleskro Drom 2021 (Sinte)

⁸ Soreles atchell leskro dji, un darell gar, bis te job tele dikell ap kolende, kai leske tchilatchepen kaman.

O Debleskro Lab 2024 (Sinte-Manouche)

⁸ Zoreles ačell leskro dji, oun darell gar, bis te yob tele dikell ap kolende, kay leske čilačepen kaman.

Debleskri gili 112:8 ပူးပေါင်းရင်းမြစ်များ

Debleskri gili 118:7

O baro Dewel hi pash mande, te well lo ap miri rig tardo. Jaake dikau mire jakentsa, har tchiwell lo kolen tel mande, kai kamenn mange tchilatchepen.

Debleskri gili 91:8

Awa, tire jakentsa dikeh tu les. Tu dikeh har i tchilatche lenn pal kowa, hoi jon kran.

Debleskri gili 59:10

Tu hal miri soor. Ap tute kamau me man te rikrell. Miro Dewel, tu hal mange i sorelo kheer.

Debleskri gili 31:24

Kamenn o baro Debles o tselo djijestar, tumer kai leskre han! Koon ap leste patsella, hi an leskro wast. Koon pes pre phurdell, ap koleste well leskri choli.

Hebrearja 13:9

Te hi menshe koi, kai sikrenn tumen wawar dromma un kamenn tumen o Debleskro dromestar tele te anell, palle patsenn lenge gar! Har shukar hi kowa, te wenn tumer sorelo an o dji! Kowa krell o Dewel, kai hi jaake latcho ap tumende. Kolla, kai penenn tumenge, hoi te chan un hoi te chan gar, kolla nai krenn gar tumaro patsepen soreles. Lengre laba hi tchi moldo.

Gosewe laba 3:33

O baro Dewel tchiwell i bibacht ap o kheer i tchilatchendar, un bacht ap o kheer kolendar, kai an o tchatchepen tardo hi.

Debleskri gili 92:11

Man kral tu sorelo har i diwjo gurum, un makal man newo djeteha, hoi pral mande tchoral.

Debleskri gili 27:14

Rike tut ap o baro Debleste tiro tselo djijeha! Ab soreles, un ma traash, un rike tut ap o baro Debleste!

Debleskri gili 37:34

Dik ap o baro Debleste, te well lo ap tiri rig! Un atch ap leskro drom! Palle hadell lo tut un dell tut ko them. Un tu dikeh, har wenn i tchilatche maredo.

Debleskri gili 49:6

Hoske te darap an i tchilatche diwessa, kai kolla trul mande hi, kai mange tchilatchepen kamenna?

Debleskri gili 118:6

O baro Dewel hi pash mande. Me darau gar. Hoi nai krell man i mensho?