Debleskri gili 112:4 - O Debleskro Drom 2021 (Sinte)

⁴ Ninna an i kali rat well i momeli kolenge, kai o tchatcho drom djan, kolenge, kai hi latcho un kamlo un djan pal o tchatchepen.

O Debleskro Lab 2024 (Sinte-Manouche)

⁴ Ninna an i kali rat vell i momeli kolenge, kay o čačo drom djan, kolenge, kay hi lačo oun kamlo oun djan pal o čačepen.

Debleskri gili 112:4 ပူးပေါင်းရင်းမြစ်များ

Hiob 11:17

Un pral tiro djipen djal o kham pre, un hi sorelo har mashkral diwes. Ninna te hi kanna tamlo, well i newo diwes.

Hiob 22:28

Hoi tu tuke glan lal, kowa djal tuke mishto. Un i momeli djal pre pral tire dromma.

Hiob 29:3

har leskri momeli pral miro shero his, un me jaake an i kali rat nai trujel djom,

Debleskri gili 106:1

Sharedo well o baro Dewel! Parkrenn tumen pash o baro Debleste! Job hi i latcho Dewel. Leskro latchepen atchella hako tsireske.

Debleskri gili 116:5

O baro Dewel hi latcho un tchatcho, un o djijestar kamlo hi maro Dewel.

Debleskri gili 145:17

An lauter, hoi o baro Dewel krell, djal lo pal o tchatchepen. An lauter, hoi krell lo, hi lo latcho.

Debleskri gili 37:6

Un job mukell tiro tchatchepen pre te djal har o kham, un mukell tiro tchatchepen diklo te well har o kham mashkral o diwes.

Debleskri gili 97:11

I momeli djal pre koleske, kai an o tchatchepen tardo hi. Un bachtelo well kowa, kai o tchatcho drom djal.

Gosewe laba 21:21

Kowa, kai o tchatchepen un o latchepen palla nashell, kowa hatseh o djipen un well an-diklo.

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Jesaja 58:10

Tu dess tiro maro koles, kai bokell, un dess koles, kai les gar doha djipaske hi, lauter, hoi les hunte well. Palle djal tuke o kham pre an o kalepen, kai tu djiweh. Un tiri rati well har o mashkral-diwes.

Jesaja 58:8

Palle well tiro tchatchepen glan har o kham taissarlakro. Un tiro dukepen well sik sasto. Un hakeno dikell ko latcho un tchatcho koowa, hoi kral. Un o baro Dewel djal pal tute peskri sorjah un dell jak ap tute.

Louka 6:36

Tumen hunte well hakeneske i baro dji, jaake har o Debles hakeneske i baro dji hi.

Johanni 12:46

Me hom koi bari momeli, hoi was ap kai phub. Hakeno, koon ap mande patsella, atchell gar an i rati.

Efesarja 4:32

Awenn kamlo jek ap o wawareste, un lenn i dji o wawareske! Bistrenn o tchilatchepen, hoi o wawar ap tumende kras! Ninna o Dewel bistras tumaro tchilatchepen, har o Jesus Kristo tumenge meras.

Efesarja 5:15

Denn jak koi pre, har tumer tumaro djipen djiwenna! Ma djiwenn har dinele menshe! Djiwenn har kolla, kai djinenna, hoi mishto hi!

Efesarja 5:9

Lauter kolla, kai ap leskro drom djana, krenn kowa, hoi latcho un tchatcho hi, un penenn o tchatchepen.

1. Johanni 2:29

Tumer djinenna: O Jesus Kristo kras, hoi tchatcho hi glan o Debleste. Jaake djinenn tumer ninna: Kolla, kai krenn, hoi tchatcho hi glan o Debleste, kolla hi o Debleskre tchawe.

1. Johanni 3:10

Hakeno, kai gar kowa krella, hoi hi tchatcho glan o Debleskre jaka, kowa hi gar o Deblestar. Witar gar hi kowa o Deblestar, kai peskro phrales gar o djijestar kamella. Ap kowa dikell hakeno, koon o Debleskre tchawe hi, un koon o bengeskre tchawe hi.

1. Johanni 3:7

Tchowale, mukenn tumen kekestar o Debleskro dromestar tele te anell! Tumer hunte djinenna, kolla, kai krenna, hoi tchatcho hi glan o Debleskre jaka, kolla hi an o tchatchepen tardo glan o Debleste jaake har o Jesus an o tchatchepen tardo hi glan o Debleste.