Debleskri gili 11:4 - O Debleskro Drom 2021 (Sinte)

⁴ O baro Dewel hi an peskro railo baro kheer. Leskro rajeskri beshepaskri hi an o bolepen. Leskre jaka dikenna tele ap i menshende, un job lell len an o jak.

O Debleskro Lab 2024 (Sinte-Manouche)

⁴ O baro Devel hi an peskro raylo baro kheer. Leskro rayeskri beshepaskri hi an o bolepen. Leskre yaka dikenna tele ap i menshende, oun yob lell len an o yak.

Debleskri gili 11:4 ပူးပေါင်းရင်းမြစ်များ

1. Familjakro liil 17:5

Me djiwom an kek kheer, fun ko diwes, kai me kol Israelitarjen win anom dran o them Egiptia bis kai diwes. Man his tchi har i plachteno kheer, har djom lentsa fun jek platsa ap i wawar.

2. Familjakro liil 16:9

O baro Debleskre jaka dikenn an i tsele themma, te dell lo soor kolenge, kai rikrenn pen pengro tselo djijeha ap leste. Tu rikral tut dineles an kau koowa. Doleske well fun kau tsiro kurepen pral tute.”

Hiob 24:23

Job mukell len te patsell, te djal lenge tchi. Un lell hako koowa an o jak, hoi le krenn.

Debleskri gili 103:19

O baro Dewel tchiwas peskri raili beshepaskri an o bolepen. Un job hi o rai pral halauter.

Debleskri gili 113:5

Koon an o bolepen un ap i phub hi jaake har maro baro Dewel?

Debleskri gili 139:23

Dik an miro dji, miro Dewel, un dik, hoi lauter koi dren hi! Un le man an o jak, un dik, hoi mange an o shero trujel djala!

Debleskri gili 14:2

O baro Dewel dikell dran o bolepen tele ap i menshende, te dikell lo: Dell jek, kai gosewo hi un pal leste putchella?

Debleskri gili 18:6

I mulengro them pandas peskre shelle trul mande, un o merepaskre shelle tserdan man tele.

Debleskri gili 2:4

O Dewel, kai an o bolepen beshdo hi, sal pral lende un lengro dinelo rakepen.

Debleskri gili 33:13

O baro Dewel dikell tele dran o bolepen, un dikell i tsele menshen.

Debleskri gili 44:21

Bistrams mer tut, maro Debles, un mangams i wawar debles an,

Debleskri gili 66:7

Job hi o baro rai hako tsireske. Leskri soor pral i menshenge hi baro. Hake themma lell job an o jak, te nai hadenn pen kolla gar, kai lestar tele peran.

Debleskri gili 9:11

Doleske rikrenn kolla ap tute, kai tiro lab prindjrenna. Koon tut, o baro Debles, rodella, koles mukeh tu gar kokres.

Gosewe laba 15:3

I jaka o baro Deblestar dikenn lauter, kowa, hoi i tchilatche krenna, un kowa, hoi i latche krenna.

Jesaja 66:1

O baro Dewel penell: O bolepen hi miri raili beshepaskri, un i phub i tikno banko, kai me mire herja pre tchiwau. Hawo kheer kamenn tumer mange pre te tchiwell, An hawo kheer kamenn tumer, te djiwap?

Jeremia 17:10

Me, o baro Dewel prindjrau o mensheskro dji, un dikau dur dren an kowa, hoi an leste hi, un dau hakeneste pal kowa, hoi job kras.

Jeremia 23:24

Kek nai khatrell pes jaake tchorchanes, te dikau les gar, penell o baro Dewel. Kek platsa hi an o bolepen un ap i phub, kai me gar hom. penell o baro Dewel.

Micha 1:2

Shunenn tumer tsele themma! Denn jak, tumer ap i tseli phub! O baro Dewel, maro rai an o bolepen, kamell tumentsa te rakrell pral kowa, hoi kran!

Habakuk 2:20

O baro Dewel hi an peskro kheer, kai job djiwell. Ma rakrenn tchi glan leste, tumer menshe ap i tseli phub!

Zakarie 2:13

Denn garda! Me dau len trad miro wasteha, te wenn le tchoredo kolendar, kai hunte budran lenge.” Palle dikenn tumer, kai o baro Dewel, ko rai pral o bolepen un i phub, kowa hi, kai bitchras man.

Mateo 23:21

Kowa, kai dell pes ap o Debleskro baro kheer sowel, kowa dell pes ninna ap o Debleste sowel, kai kote djiwella.

Mateo 5:34

Me penau tumenge: Ma denn tumen sowel! Ma denn gole ap o bolepen, te shunell lo tumari sowel! O Dewel hi kote o rai.

Bičepangre 7:49

O Dewel penas: O bolepen hi miro beshepaskro, un i phub hi tel mire pire tchiddo. Hawo kheer kamenn tumer mange te krell tumare wastentsa, kai djiwap dren?

2. Tessalonikarja 2:4

Job hadell pes pral o Debleste un pral halauter, hoi i menshe an-mangenna, un beshell pes an o Debleskro baro kheer, un krell, har te wals job o Dewel.

Hebrearja 4:13

O Dewel dikella lauter. Tchi an mende hi khatedo glan leskre jaka. Lauter hi pre tchakedo glan leste. Un leske hunte penas mer halauter, hoi kram.

Debleskro tsiro 4:2

Un ap jek kopo was o Debleskro Ducho soreles ap mande, un me dikom i rajeskro beshepaskro an o bolepen tardo. Un ap koleste his jek beshdo.