Debleskri gili 11:2 - O Debleskro Drom 2021 (Sinte)

² Dikeh tu gar, te tserdenn i tchilatche o bogo un tchiwenn pengre faile koi pre, jaake te denn le khatemen karje ap kolende, kai shunenn pengro tselo djijeha ap o Debleste.

O Debleskro Lab 2024 (Sinte-Manouche)

² Dikeh tou gar, te tserdenn i čilače o bogo oun čivenn pengre fayle koy pre, yaake te denn le khatemen karye ap kolende, kay shounenn pengro tselo djiyeha ap o Debleste.

Debleskri gili 11:2 ပူးပေါင်းရင်းမြစ်များ

Debleskri gili 10:2

O tchilatcho hi pre-phurdo un lell i tchorwelen palla, un krell lentsa ko tchilatcho koowa, hoi leske an leskro shero trujel djal.

Debleskri gili 125:4

Ab latcho, baro Dewel, kolenge, kai latcho hi, kolenge, kai o djijestar ap tute shunenna.

Debleskri gili 142:3

Leske penau lauter, hoi ap miro dji hi, un mukau les te djinell, hoi mange phares hi.

Debleskri gili 21:12

Jon wan khetne un rakran, har nai krenn le tuke tchilatchepen. Tchi, hoi kamenn le tuha te krell, djal lenge mishto.

Debleskri gili 32:11

Tumer, kai an o tchatchepen tardo han, awenn bachtelo pral tumaro baro Debleste! Mukenn tumare djia san un bashrenn! Denn gole i bachtjatar, tumer lauter, kai shunenn o tselo djijeha ap o Debleste.

Debleskri gili 37:14

I tchilatche lenn pengro charo, un hadenn pengro bogo, te marenn le i tchorwelen un kolen, kai nai kurenn pen gar, ninna lauteren, kai djan ap o tchatcho drom.

Debleskri gili 64:10

Un lauteren taprell i daar, un jon penenn: “Kawa kras o Dewel”, un haiwenn, te was kowa lestar.

Debleskri gili 7:10

Tu hal i Dewel, kai an o tchatchepen tardo hi, un dikeh an hakeneskro dji un shero. Kanna kre, te nai krenn i tchilatche kek tchilatchepen buder! Kre kolen sorelo, kai an o tchatchepen tardo hi!

Debleskri gili 7:12

O Dewel hi i tchatchepaskro rai, kai an o tchatchepen tardo hi. Job hi i Dewel, koleskri choli nai chatchella hako diwes.

Debleskri gili 94:15

I tchatchepangre mursha djan pale pal o tchatchepen. Un lauter, kai o tchatcho drom djan, rikrenn pen ap kowa.

Debleskri gili 97:11

I momeli djal pre koleske, kai an o tchatchepen tardo hi. Un bachtelo well kowa, kai o tchatcho drom djal.

Jeremia 9:3

Hakeno mu dell pes garda peskro malestar, un ninna peskro phralestar! Jek phraal dell kol wawar phrales pral i kanda. Un i maal rakrell djungeles pral o wawareste.

Mateo 26:4

Un jon rodan i drom, har nai taprans le o Jesuses tchorchanes, te marenn le les.

1. Samuel 18:21

Un o Saul penas: “Me kamau lat leste te dell. Palle hi man tchomone an o wast, koleha nai tradau les an i wasta i Filistarendar.” Un o Saul penas ap o Davideste: “Kau diwes wess tu o duito kopo miri tchakro rom.”

1. Samuel 23:9

Har o David haiwas, te hi o Saules tchilatchepen an o dji un kamas ap leste te djal, penas lo ap o rashajeste Abjatar: “An mange o rashajeskri damdira kai!”