Debleskri gili 103:6 - O Debleskro Drom 2021 (Sinte)

⁶ O baro Dewel tchiwell o tchatchepen pre, un dell kolende pengro tchatchepen, kai wenn tele rikedo.

O Debleskro Lab 2024 (Sinte-Manouche)

⁶ O baro Devel čivell o čačepen pre, oun dell kolende pengro čačepen, kay venn tele rikedo.

Debleskri gili 103:6 ပူးပေါင်းရင်းမြစ်များ

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Debleskri gili 9:9

Job hi o tchatchepaskro rai pral i tseli phub. Un pral i tsele themma rakrell job o tchatchepen win.

Debleskri gili 72:12

Job hi kowa, kai shunell o tchorweles, kai dell gole, un lell les dran i bibacht win, un well ap i rig kolestar, kones kek hi, hoi leske koi hi.

Debleskri gili 146:7

un kolen pengro tchatchepen dell, kai tele rikedo wenn. Kolen, kai bokenn, dell lo te chal. O baro Dewel hi kowa, kai i stilde win lell dran o stilepen.

Gosewe laba 14:31

Koon sorjah i tchorweles tele rikrell, kowa praassell koles, kai o tchorweles kras. Kones leske i baro dji hi, sharell o Debles.

Jakobo 2:6

Har hi kowa pash tumende? I tchorwele hi tumenge tchi moldo. I brawele hi tumenge budeder moldo. Un jon hi kolla, kai rikrenn tumen tele, un anenn tchilatcho koowa ap tumende un anenn tumen glan i tchatchepangre.

Debleskri gili 109:31

Job well o tchorweleske ap i rig, un lell les win dran i wasta kolendar, kai penenn: “Job hunte well maredo.”

Ezekiel 22:7

Kolla, kai an Jerusalem djiwenn, dikenn tele ap pengro dadeste un ap pengri date, un chochenn i wi-themarjen, kai pash lende djiwenn. Un kol djuwjen, kolengro rom meras, un kol tchawen, kolengro dad meras, kolen rikrenn le sorjah tele.

Debleskri gili 72:4

O baro rai mu rakrell i tchorwelenge mishto, un well ap i rig kolendar, kai tele rikedo wenn, un stakrell kolen khetne, kai len dukrenna.

Gosewe laba 23:10

Ma tchip kol phure barra krik, hoi sikrenn, har baro tiro them hi. Ma le i phub kol tchawendar krik, kolen kek dad buder hi.

Debleskri gili 35:10

Lauter, hoi an mande hi, penell: Baro Dewel, koon hi jaake har tu? Tu leh o tchorweles win dran i wasta kolendar, kai sorleder hi har job. Tu leh koles, kai bibachtelo un tchorwelo hi, win dran i wasta kolendar, kai tchoran leskro koowa.

Louka 14:22

Un pal i tsiro was o budepaskro pale un penas: Me krom, hoi tu penal. O kheer hi gar pherdo.