Debleskri gili 103:1 - O Debleskro Drom 2021 (Sinte)

¹ O Davidestar. Miro tselo djijestar sharau o baro Debles. Lauter, hoi an mande hi, sharell leskro Debleskro lab!

O Debleskro Lab 2024 (Sinte-Manouche)

¹ O Davidestar. Miro tselo djiyestar sharau o baro Debles. Lauter, hoy an mande hi, sharell leskro Debleskro lab!

Debleskri gili 103:1 ပူးပေါင်းရင်းမြစ်များ

Debleskri gili 103:22

Sharenn o baro Debles, tumer lauter, kai wan lestar kerdo! Sharenn les, kai tumer ninna djiwenna an leskro them! Ninna tu, miro dji, share o baro Debles!

Debleskri gili 104:1

Miro tselo djijestar sharau o baro Debles. Miro baro Dewel, har baro hal tu! An shukapen un railepen hal tu rido.

Debleskri gili 111:1

Sharedo well o baro Dewel! Miro tselo djijestar sharau o baro Debles kote, kai kolla khetne wenna, kai o tchatcho drom djan.

Debleskri gili 138:1

I gili o Davidestar. Parkrau man pash tute miro tselo djijeha. Tuke giwau miri gili, un kek wawar debleske.

Debleskri gili 145:1

Kai gili kras o David te sharell lo o Debles. Me kamau tut te hadell, miro Debles. Tu hal o baro rai. Tut kamau me te sharell kanna un hako tsiro.

Debleskri gili 47:7

Giwenn o Debleske! Giwenn un sharenn les, giwenn maro baro rajeske! Giwenn!

Debleskri gili 63:5

Me parkrau man pash tute jaake rah har me djiwau. Un me hadau mire wasta pre, te mangap tut an.

Debleskri gili 99:3

Mu hadenn le lauter tiro baro un railo lab! Tu kokres hal o tchatcho Dewel.

Jesaja 6:3

Un jek das ap o wawareste gole un penas: Latcho - un tchatcho - har kek wawar - hi o baro Dewel, ko rai pral o bolepen un i phub. I tseli phub hi pherdo leskro railepen!

Johanni 4:24

O Dewel hi kek mensho, – job hi i ducho. Un kolla, kai mangenn les an, kolen hunte well o Debleskro Ducho. Kowa sikrell len, har te mangenn le les tchatchepah an.”

1. Korintarja 14:15

Hoi hunte krap me kanna? Me kamau te rakrap o Debleha an i rakepen, hoi o Debleskro Ducho man das. Ninna kamau me te rakrap leha i labentsa, hoi me haiwau. Un me kamau leske te giwap, har o Debleskro Ducho mukell man te giwell. Un ninna kamau te giwap i labentsa, hoi me haiwau.

Filiparja 1:9

Un me mangau o Deblestar, te well tumaro kamlepen bareder un bareder, te haiwenn, hoi o Dewel kamella, un te djinenn, hoi te krenna.

Kolossarja 3:16

Ma mukenn tele, te rakrenn un shunenn o lab o Jesus Kristestar! Rakrenn les tumenge an o dji! Awenn gosewo koi pashel, te sikrell jek o wawareste, har te djal lo ap o Debleskro drom! Giwenn Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Awa, giwenn o Debleske, un sharenn les an tumare djia!

Debleskro tsiro 4:8

Un hakenes lendar his shob tchirklengre mussja. Kolla his dren un win pherde jaka. Un jon giwenn o tselo diwes un i tseli rat: Latcho - un tchatcho - har kek wawar - hi o Dewel, ko rai pral halauter. Hako tsiro djiwell lo, kanna, un an ko tsiro, hoi his, un hoi wella.