Debleskri gili 101:3 - O Debleskro Drom 2021 (Sinte)

³ Rikrau man pale te krap chocheno koowa, un kamau gar khetne te well kolentsa, kai bango koowa krenn. Sawo koowa kamau gar glan i jaka te dikell.

O Debleskro Lab 2024 (Sinte-Manouche)

³ Rikrau man pale te krap rhorheno koova, oun kamau gar khetne te vell kolentsa, kay bango koova krenn. Savo koova kamau gar glan i yaka te dikell.

Debleskri gili 101:3 ပူးပေါင်းရင်းမြစ်များ

Hiob 31:1

Me djom i sowel mire jakentsa dren, te dikap gar lubekanes i terni tchake palla.

Debleskri gili 119:113

Me choirau man ap kolende, kolen dui djia hi, tiro drom kamau me o djijestar.

Debleskri gili 119:37

Kre, te dikap gar ap kowa, hoi tchi moldo hi, un de man pale newi soor ap tiro drom!

Debleskri gili 125:5

Kolen, kai tiro drom mukenn un djan ap bange dromma, deh tu, baro Dewel, i phagi khetne kolentsa, kai i wawarenge tchilatchepen krenna. Bacht te well pral o Israel!

Debleskri gili 139:22

Kolla, kai kamenn tut gar, kamau me witar gar. Awa, nai dikau len gar glan mire jaka.

Debleskri gili 14:3

Halauter rissran pen lestar krik, un djiwenn i djungelo djipen, jek har ko wawar. Kek hi koi, kai krell o latchepen, awa, kek!

Debleskri gili 36:3

An peskre jaka hi kowa jaake shukar, hoi lo krella, te haiwell lo gar, kai kowa i doosh hi, kai hunte rikrals pes lo latar pale.

Debleskri gili 39:1

I gili o rajeske pral i gipangre, o Jedutun. O David kras kai gili.

Debleskri gili 40:4

An miro mui tchiwas lo i newi gili, i gili, hoi maro Debles sharell. Bud, kai dikenn kowa, haiwenn, te hi o baro Dewel o rai, un jon patsenn ap leste.

Debleskri gili 41:9

“I bibacht hi ap leste”, penenn le. “Koon jaake tchiddo hi, stell buder gar pre.”

Debleskri gili 78:41

Pale te pale kaman le te dikell, hoi job haiwella. Jaake dan le leske an o dji, koleske, kai kokres o tchatcho Dewel hi, o Dewel pral o Israel.

Debleskri gili 78:57

Jon peran lestar tele. Un jaake har lengre phure menshe kran, kran jon ninna, un kaman o Deblestar buder tchi te djinell. Tchi-moldo his le har i bogo, koleskri dori buder gar sorelo hi.

Debleskri gili 97:10

Tumer, kai o baro Debles kamenna, stakrenn o tchilatchepen khetne. O baro Dewel rikrell peskre wasta pral o djipen kolendar, kai leskre hi, un lell len win dran o wast i tchilatchendar.

2. Mose 20:17

Ma rode, har nai less tu kowa tuke, hoi i wawares hi: leskro kheer, leskri romni, budepaskro, budepaskretsa, grumni, burika, tchi, hoi i wawares hi.

2. Mose 32:8

Sik djan le ko dromestar tele, kai me sikrom lende. Jon kran penge i dewel, – i terno gurum, – un mangan les an, maran viechen leske un penan: ‘Kawa hi tiro Dewel, Israel, kowa, kai anas tut dran o them Egiptia win.’”

Gosewe laba 6:12

I tchilatcho mensho un i tchi-moldo hi kowa, kai chochepen rakrell,

Gosewe laba 6:13

kai i jakentsa dell, peskre herjentsa i sikepen krell, un i gustjentsa khatemen sikrell.

Gosewe laba 6:25

Muk tiro dji gar lakro shukapen palla te nashell! Muk tut gar lakre shukar jakentsa te taprell!

Gosewe laba 8:13

Kowa, kai kamell o baro Debleha te djiwell, kowa kamell o tchilatchepen gar glan peskre jaka te dikell, kowa dikell gar tele ap o wawareste un phurdell pes gar pre, kowa djal gar i tchilatcho drom, un rakrell kek chochepen.

Sikepaskro 6:9

Well penlo: Feteder hi te dikas ap kowa, hoi men hi, har te nashas wawar koowa palla. Kowa hi ninna tchitcheske, un jaake har te nashams pal o ducho, hoi djal pral i phub.

Jesaja 30:11

Djan tele tumaro dromestar! Mukenn o tchatcho drom! Penenn menge buder gar, hoi o Israeleskro Dewel penell.”

Jesaja 33:15

Kolla, kai an o tchatchepen tardo hi, un rakrenn, hoi tchatcho hi; kolla, kai kekeske chochepah lowe tele lenn, te wenn le brawelo, un tserdenn pengre wasta pale, te kamell jek len lowe te dell, te anenn le chochepen pre; kolla, kai shunenn gar ap kolende, kai kamenn jekes te marell, un kolla, kai djan gar kolentsa, kai o tchilatchepen krenn,

Jeremia 22:17

Jojakim, tire jaka un tiro dji dikenn ap tchi wawares, har te wess brawleder tiro chochepah. Tu mareh kolen, kai kek tchilatchepen kran, un rikreh i menshen sorjah un dawentsa tele.

Micha 2:2

Kamenn le jekeskro kotar phub, randenn le les, un lenn penge khera wawar menshendar, har jon kamenna. Tchilatchi sorjah djan le ap jekeste, un lenn penge leskro kheer un kowa, hoi les peskro dadestar was.

Zakarie 8:17

Kek te lell pes tchilatchepen glan, te anell lo ap o wawareste. Ma denn tumen i chocheni sowel! Kowa lauter hi djungeles an mire jaka”, penell o baro Dewel.

Mateo 5:28

Me penau tumenge: Koon ap i wawareskri romjate dikella, te sowell lo lah, kowa chochras peskri romjat an peskro dji.

Remarja 12:9

An tumaro kamlepen hunte well kek chochepen! Mukenn o tchilatchepen un krenn o latchepen!

Galatarja 4:9

Kanna prindjrenn tumer o Debles. Feteder hi, te penau me: O Dewel prindjrell tumen. Har nai tchiwenn tumer tumen pale tel kol sorja, ap kolende i menshe pandlo hi? Tumer shunenn pale ap laba, hoi tchi moldo hi, un an lende kek soor hi.

5. Mose 13:17

Un lengro tselo brawlepen anenn khetne mashkral ap o foreskri platsa! Un chatchrenn ko tselo foro pre un lauter, hoi an leste hi, tumaro baro Debleske! Tchi har barra hunte atchell pral ko forestar hako tsireske. Un an kek tsiro well lo buder newes kerdo.

5. Mose 15:9

De tut jak, te well tuke gar an o dji, te dess les tchi doleske, kai ko eftato bersh gar buder dur hi. Ma pen tuke: ‘Palle hunte mukap leske koi tseli sijaan.’ Un jaake dikeh tchilatches ap leste un deh leste tchi. Un job dell gole ap o baro Debleste pral tute. Un ap tute well i doosh!

Hebrearja 10:39

Tchatchepah, mer ham gar kolendar, kai mukenn leskro drom un djan nashedo. Na-a. Mer ham kolendar, kai atchah an o patsepen, un lah o djipen, hoi gar pre-herella.

Josua 23:6

Doleske rikrenn soreles ap halauter, hoi tchinlo hi an o Moseskre lila! Rikrenn leskre tsele laba! Tchiwenn kek lendar ap i rig!

2. Petro 2:21

Jon prindjran o tchatcho drom, un mukan les. Jon kamenn buder tchi te shunell o Debleskro lab, hoi lenge penlo was. Lenge wals feteder, te djinans jon o Debleskro drom gar.

1. Johanni 2:19

Kolla wan mendar. Jon his gar tchatchepah mendar. Te wans jon mendar, atchans le pash mende. Un har jon penge djan, nai dikas hakeno, te his le gar mendar.

1. Samuel 15:11

“Man dukella, te tchiwom me o Saules pral o Israel, te well lo lengro baro rai. Job sikras mange o dumo, un kras gar, hoi me leske penom.” Kowa dukas o Samueles an o dji, un job das i tseli rat ap o baro Debleste gole.