Debleskri gili 101:2 - O Debleskro Drom 2021 (Sinte)

² Me dau jak, te djap o tchatcho drom. Kamau te wess pash mande. I djudjo djijeha djiwau khetne lauterentsa an miro kheer.

O Debleskro Lab 2024 (Sinte-Manouche)

² Me dau yak, te djap o čačo drom. Kamau te vess pash mande. I djoudjo djiyeha djivau khetne lauterentsa an miro kheer.

Debleskri gili 101:2 ပူးပေါင်းရင်းမြစ်များ

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

2. Samuel 8:15

Jaake his o David baro rai pral o tselo them Israel, un kras, te lell hakeno peskro tchatchepen.

1. Rajengro liil 11:4

Un jaake was, har o Salomo phuro was, anan les leskre djuwja jaake dur, te nashas lo wawar deblenge pal. Job rikras pes buder gar kokres ap o baro Debleste, kai leskro Dewel hi, har kowa leskro dad, o David kras.

1. Rajengro liil 9:4

Un tu, te djiweh tu glan mande, har tiro dad, o David, glan mande djiwas i djudjo djijeha un kek chochepah, un kreh halauter jaake, har me tuke penom, un mire laba rikreh, un pal miro tchatchepen djiweh,

2. Familjakro liil 15:17

Ninna te atchenn kol bud mulne platse tardo an Israel, rikras pes o Asa ap o baro Debleste peskro tselo djijeha, jaake rah har job djiwas.

2. Familjakro liil 30:12

Un o Debleskro wast his pral o them Juda, te kran le jek djijeha, hoi o baro rai un i pralstune lenge penan, un hoi o baro Dewel lendar kamella.

Debleskri gili 101:6

Mire jaka rodenn pal kolende an o them, kai rikrenn pen ap tire laba, te djiwenn jon pash mande. Kolen, kai o tchatcho drom djan, lau me pash mande, te budrenn le mange.

Debleskri gili 119:106

Me dom man sowel, un me kamau lat te rikrell: Kamau te djap pal tire tchatchepaskre laba.

Debleskri gili 119:115

Djan pale mandar, tumer, hoi krenn o tchilatchepen! Me rikrau ap i laba miro Deblestar.

Debleskri gili 26:11

Me djiwau an kek tchilatchepen. Ab mange latches un le man win dran o merepen!

Debleskri gili 40:17

Kolla lauter, kai tut rodenna, mu wenn le bachtelo pral tute un giwenn i bachtjatar! Kolla, kai mangenn tutar, te less len win dran o tchilatchepen, mu penenn le hako tsiro: “Sharedo well o baro Dewel!”

2. Mose 20:24

Hi mange doha, te krenn mange i chatchepaskri dran phub! Koi pre anenn mange kol marede bakren un grumjen, hoi chatchrenn tseles mange, ninna kolen, hoi mange marenn, te chan tumer lengro mass khetne glan mande. Kote, kai kamau, te mangenn man an, kote wau me pash tumende un dau tumen miri bacht un miri soor.

Jesaja 38:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

5. Mose 6:7

un peness len ninna tire tchawenge, te bistrenn le len gar. Rake lendar, te hal khere beshdo, un te djah ap o drom, un te tchiweh tut tele un te steh pale pre.

Josua 24:15

Hi tumenge gar mishto an tumare jaka, te mangenn o baro Debles an, palle rodenn kau diwes kate win, kones tumer kamenn an-te-mangell: Kol deblen, kolen tumare phure an-mangan, har jon gomme ap i wawar rig o lengsto panjestar his, oder kol chochene deblen, kolen i Amorarja an-mangenn, an kolengro them tumer kanna djiwenn. Me un miro kheer, mer kamah o baro Debles an-te-mangell.”

1. Samuel 22:14

O Ahimelech penas ap o baro rajeste: “Koon mank tire tsele budepangre hi jaake ap tiri rig har o David? Ninna hi lo tiri tchakro rom un o pralstuno pral tire feteder lurdende. Un job hi an-diklo an tiro tselo kheer.