Debleskri gili 100:3 - O Debleskro Drom 2021 (Sinte)

³ Ma bistrenn: O baro Dewel kokres hi o Dewel! Job kras men, un leskre ham mer. Leskre menshe ham, un job hi menge har i bakrengro, kai djal glan leskre bakre un anell len kote, kai len doha chapaske hi.

O Debleskro Lab 2024 (Sinte-Manouche)

³ Ma bistrenn: O baro Devel kokres hi o Devel! Yob kras men, oun leskre ham mer. Leskre menshe ham, oun yob hi menge har i bakrengro, kay djal glan leskre bakre oun anell len kote, kay len doha rhapaske hi.

Debleskri gili 100:3 ပူးပေါင်းရင်းမြစ်များ

2. Rajengro liil 19:19

Kanna, maro baro Dewel, le men win dran o wast o baro rajestar pral o them Assur, te nai dikenn un haiwenn i menshe an i tsele themma ap kai phub, kai tu, baro Dewel, kokres o Dewel hal.”

1. Familjakro liil 16:14

O baro Dewel hi maro Dewel, un o tchatchepaskro rai pral i tseli phub.

Hiob 10:3

Hoi aneh kawa tuke, te rikreh man sorjah tele? Hoske witsreh man tutar krik, man, koles tire wasta kran, un mukeh kowa mishto te djal, hoi lan pen i tchilatche glan?

Debleskri gili 119:73

Tire wasta kran man un rikran man. Kre, te haiwap tire laba!

Debleskri gili 12:4

Baro Dewel, kre, te rikrenn le pengre muja, kolla, kai rakrenn dui tchipjentsa! Pande kolenge o mui, kai jaake bares rakrenna,

Debleskri gili 149:2

Tu Israel, tiro dji mu bashrell pral koleste, kai kras tut. Tumer menshe dran Zion, giwenn i bachtjatar pral tumaro baro rajeste.

Debleskri gili 46:10

Ap o marepen penell lo: “Muk tele ap i tseli phub!” Kol kashta, kolentsa dan le karje, phagell lo khetne, un lengre chare dell lo paash, i kurepangre wurdja chatchrell lo pre.

Debleskri gili 78:52

Palle anas job peskre menshen win, un djas glan lende har i bakrengro djal glan peskre bakre, un sikras len o drom an o mulo tato them.

Debleskri gili 79:13

Mer ham tire menshe. Tu hal menge har i bakrengro, kai anell peskre bakre kote, kai hatsenn le chapaske. Mer parkrah men pash tute hako tsiro, un sharah tut kanna un an ko tsiro, hoi wella.

Debleskri gili 95:3

O baro Dewel hi o pralstuno Dewel, o baro rai pral i tsele debla.

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

Sikepaskro 12:1

Jaake rah har terno hal, ma biste koles, kai tut kras! Un djin, te wenn kol tchilatche diwessa un kol bersha, kai tu peneh: “Jon hi mange gar mishto”!

Jesaja 63:11

Kote mukan le penge pale i phure tsirja an o shero te djal, kol diwessa, kai o Mose, djiwas, un putchan pendar: Kai hi o baro Dewel, kai las peskre menshen win dran o baro pani, khetne kolentsa, kai ap lende jak dan? Kai hi o baro Dewel, kai ap lende peskro ducho tchiwas?

Jesaja 63:19

Un mer wam har sawe, pral kolende tu an kek tsiro o rai hals, un pral kolende tiro lab gar win gole dino was.

Jesaja 64:7

Kanna, baro Dewel, tu maro dad, mer ham har i loli phub, dran kolate tu i tcharo chatcheh. Tire wasta kran men halauter.

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

Ezekiel 34:11

Kawa penell o baro Dewel, maro rai: Me hom kai, un me dikau kanna pal mire bakren un rodau len.

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

2. Korintarja 4:6

An o phuro tsiro, kai his halauter kali rat, penas o Dewel, te well diwes. Un koi was diwes. Jaake kras lo ninna mare djia pre, te atchas gar tamlo an mare djia, te haiwas mer o Debleskro railepen. Kowa dikah, te dikah ap o Jesus Kristeste.

Efesarja 2:10

Kowa, hoi mer kanna ham, kras o Dewel dran mende. Har wam patslo ap o Jesus Kristeste, das lo men o newo djipen, te kras mer ko latcho koowa, hoi job menge win rodas un an mare wasta das.

5. Mose 32:15

O Jeshurun djiwas i shukar djipen, his tchalo un brawelo. Har was lo pesso, phurdas lo pes pre. Un mukas o Debles, kai les kras, un witsras les ap i rig. Leskro sorelo rikepaskro his leske tchi moldo.

5. Mose 32:6

Tumer dinele menshe, kolen kek goswepen hi, parkrenn tumer tumen jaake pash tumaro baro Debleste? Hi job gar tumaro dad, kai kras tumen? Kowa, kai kras tumendar i natsjona?

5. Mose 4:35

Tumen mukas lo kowa te dikell, te djinenn, te hi o baro Dewel o tchatcho Dewel, un te dell kek wawar debles har les kokres.

5. Mose 4:39

Jaake hunte djinenn kau diwes un bistrenn kowa gar: Dell kek wawar Dewel har o baro Dewel kokres. Kek wawar dewel hi an o bolepen un witar gar ap i phub.

5. Mose 7:9

Djinenn: tumaro baro Dewel hi kokres o tchatcho Dewel. Job rikrell peskro lab, un hoi lo tumentsa win kras. Latchepen un kamlepen dell lo kolende, hoi les o djijestar kamenn un krenn, hoi lo penell. Ninna lengre tchawenge, kai pal lende wenna, hi lo latcho, jaake rah har seri familje jek pal i wawar djiwenn.

1. Petro 2:25

Tumer hans har bakre, kai nashran pen. Kanna anas tumen o Jesus Kristo pale ap o tchatcho drom. Job hi tumenge har i bakrengro, un dell garda ap tumende.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

1. Petro 4:19

Doleske penau tumenge: Te mukell o Dewel ap tumende i pharo tsiro te well, palle denn tumen tseles an o Debleskro wast, kai das tumen o djipen! Un mukenn gar tele, te krenn o latchepen!

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.