Debleskri gili 100:1 - O Debleskro Drom 2021 (Sinte)

¹ I gili, te parkras men pash o Debleste. Giwenn o baro Debleske, tumer lauter, kai han ap kai phub!

O Debleskro Lab 2024 (Sinte-Manouche)

¹ I gili, te parkras men pash o Debleste. Givenn o baro Debleske, t'mer lauter, kay han ap kay phoub!

Debleskri gili 100:1 ပူးပေါင်းရင်းမြစ်များ

Debleskri gili 145:1

Kai gili kras o David te sharell lo o Debles. Me kamau tut te hadell, miro Debles. Tu hal o baro rai. Tut kamau me te sharell kanna un hako tsiro.

Debleskri gili 32:11

Tumer, kai an o tchatchepen tardo han, awenn bachtelo pral tumaro baro Debleste! Mukenn tumare djia san un bashrenn! Denn gole i bachtjatar, tumer lauter, kai shunenn o tselo djijeha ap o Debleste.

Debleskri gili 47:1

I gili o rajeske pral i gipangre. Kai gili hi jekestar dran i familja Korach.

Debleskri gili 47:5

Job rodas menge o them win, un das les mende, te djiwas kote. Pral kowa ham bachtelo, mer, i tchawe o Jakobestar, kolen job bud kamell.

Debleskri gili 66:1

I gili o rajeske pral i gipangre. Sharenn o Debles ap i tseli phub!

Debleskri gili 66:4

Mu mangell tut i tseli phub an un sharell tut i giljentsa, awa, mu sharenn le tiro lab.

Debleskri gili 67:4

Maro Dewel, mu parkrenn pen pash tute i menshe dran hake themma, mu sharenn le tut halauter!

Debleskri gili 68:32

Dran o them Egiptia wenn bitchepangre pash tute, un kolla dran o them Etiopia hadenn pengre wasta pre pash o Debleste.

Debleskri gili 98:4

Giwenn o baro Debleske, tumer lauter, kai ap kai phub han! Denn gole i bachtjatar, sharenn les i giljentsa!

Zefanja 3:14

Awenn bachteles, tumer Israelitarja! Denn gole i bachtjatar, tumer ap i berga Zion! Giwenn un khelenn o tselo djijestar, tumer an o foro Jerusalem!

Zakarie 14:9

Palle hi o baro Dewel o rai pral i tsele themma ap i phub. An ko tsiro hi job kokres o Dewel. Les kokres mangenn le an.

Louka 19:37

Har jon kote wan, kai djal o drom o djeteskri berga tele, dan leskre mala bari gole i bachtjatar, un sharan o Debles pral ko baro koowa, hoi job mashkral lende kras.

Remarja 15:10

Kote hi ninna tchinlo: Tumer, kai han kek bibolde, awenn bachteles khetne i biboldentsa. Jon hi kol menshe, kolen job peske win rodas!

5. Mose 32:43

Tumer menshe dran i wawar themma, sharenn o baro Debleskre menshen! Kolla, kai maran leskre budepangre, kolenge dell job halauter pale ap lengre sherja. Un job dell kolen halauter pale, kai kuran pen leha. Un lell krik o praassepen, hoi ap o them peskre menshendar hi.