Debleskri gili 10:9 - O Debleskro Drom 2021 (Sinte)

⁹ Tchorchanes khatedo har i lewo an i burra, jaake lurell job ap o tchorweleste, un taprell les an peskri netsa un tserdell les krik.

O Debleskro Lab 2024 (Sinte-Manouche)

⁹ Čorrhanes khatedo har i levo an i bourra, yaake lourell yob ap o čorveleste, oun taprell les an peskri netsa oun tserdell les krik.

Debleskri gili 10:9 ပူးပေါင်းရင်းမြစ်များ

Debleskri gili 109:31

Job well o tchorweleske ap i rig, un lell les win dran i wasta kolendar, kai penenn: “Job hunte well maredo.”

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Debleskri gili 140:5

Baro Dewel, de ap mande jak, te taprenn man i tchilatche gar! Khate man glan i marepangre, glan kolende, kai kamenn te perap!

Debleskri gili 17:12

Jon hi har i lewo, hoi khatedes beshdo hi, un ap jekeste lurella, hoi job nai chal.

Debleskri gili 35:10

Lauter, hoi an mande hi, penell: Baro Dewel, koon hi jaake har tu? Tu leh o tchorweles win dran i wasta kolendar, kai sorleder hi har job. Tu leh koles, kai bibachtelo un tchorwelo hi, win dran i wasta kolendar, kai tchoran leskro koowa.

Debleskri gili 37:14

I tchilatche lenn pengro charo, un hadenn pengro bogo, te marenn le i tchorwelen un kolen, kai nai kurenn pen gar, ninna lauteren, kai djan ap o tchatcho drom.

Debleskri gili 59:3

Le man win dran i wasta kol tchilatchendar, kol menshendar, kai kamenn te dikell, har miro rat nashell.

Gosewe laba 14:31

Koon sorjah i tchorweles tele rikrell, kowa praassell koles, kai o tchorweles kras. Kones leske i baro dji hi, sharell o Debles.

Gosewe laba 22:16

Kowa, kai rikrell i tchorweles tele, te well job kokres brawleder, ninna kowa, kai dell i braweles tchomone, kowa krell, te well lo kokres tchorwelo.

Gosewe laba 28:15

I tchilatcho, kai hi o baro rai pral tchorwele menshende, hi har i lewo, hoi bares gole dell, un har i diwjo viecho, hoi bokell ap peskro chapen.

Jesaja 3:15

Hoske stakran tumer mire menshen tel tumare herja? Un hoske dan o tchorweles an o mui? Me, o baro Dewel, ko rai pral o bolepen un i phub, putchau kowa tumendar.

Jesaja 32:7

O chocheno djal chochene dromma. Tchilatcho koowa lell lo peske glan, un leskro chochepah anell lo doosh ap i tchorwelende, ninna te hi kolla an o tchatchepen.

Jeremia 5:26

O baro Dewel penella: Mashkral mire menshende hi tchilatche menshe, kai lurenn ap wawarende, te taprenn le len, har kolla, kai tapenn i tchirklen dren,

Ropaskre gilja 3:10

Job luras mange pre, har te wals lo i tchilatcho diwjo viecho, un har i lewo an peskro khatepen.

Ezekiel 22:29

I menshe an Israel chochenn un randenn wawaren. Jon rikrenn kolen tele, kai tchorwelo hi, un kolen gar doha djipaske hi. Ninna i wi-themarjen, kai mank lende djiwenn, rikrenn le sorjah tele, un denn len gar pengro tchatchepen.

Amos 3:4

Dell i lewo gole an o weesh, te hatsas lo kek chapen? Na-a! Dell i terno lewo gole an leskro khatepen, te tapras lo tchi? Na-a!

Micha 7:2

Kek, kai o Debleskro drom djal, hi buder an kau them. Kek dell mank i menshende, kai an o tchatchepen tardo hi. Jek rodell, har te marell lo o wawares. Un hakeno lell o wawares palla, te taprell lo les.

Habakuk 1:15

kolen jon win tserdenn pengre ranjentsa un pengre matchengre gonentsa, un khetne tchiwenn an pengre netse. Palle sal lengro dji, un jon denn gole i bachtjatar.

Habakuk 3:14

Tu dal leskre faile an leskro shero. Leskre tsele lurde nashan penge kate te kote. An pengro pre-phurdepen kaman le men krik te tradell. Kolen kai kek soor hi, kaman le pre te chal an pengro khatepen.

Zakarie 11:3

I pralstune pral i themma denn gole i dukatar, lengro railepen hi buder gar. Shunenn i gole i lewendar! O weesh, kai le khere his, pash o pani Jordan, hi khetne stakedo.

Johanni 10:12

Jek, kai lell lowe, te dell lo garda ap i bakrende, hi kek bakrengro. Kol bakre hi gar leskre. Te dikell kowa, kai i diwjo djuklo wella, nashell lo peske, un mukell kol bakren kokres. Un o diwjo djuklo perell pral kol bakrende, un tradell len jaake, kai jon buder gar khetne hi.

Bičepangre 23:21

Tu patsess len gar. Budeder har star-deesh mursha lurenn ap leste ap o drom. Kolla dan pen sowel, te chan le tchi, te pijenn le tchi, bis te maran le les. Jon hi koi khatedo te nai marenn le les jaake sik, har tu mukeh les win te anell.”