Debleskri gili 1:2 - O Debleskro Drom 2021 (Sinte)

² Kowa hi bachtelo, kai kamell o baro Debleskre laba, un mukell kol laba peske an o shero trujel te djal ap o diwes un an i rat.

O Debleskro Lab 2024 (Sinte-Manouche)

² Kova hi barhtelo, kay kamell o baro Debleskre laba, oun moukell kol laba peske an o shero trouyel te djal ap o dives oun an i rat.

Debleskri gili 1:2 ပူးပေါင်းရင်းမြစ်များ

1. Mose 24:63

Ap jek rati djas job win, te well lo peske kokres. Un har job pre dikas, dikas lo, kai khamele wenna.

Esra 7:10

O Esra tchiwas peskre djijeskre jaka ap o Debleskro drom, te haiwell lo les bud un budeder, un te djiwell lo pal o Debleskro lab, un te sikrell lo halauterenge an o them Israel, hoi o baro Dewel lendar kamell, un har nai djiwenn le pal leskro tchatchepen.

Hiob 23:12

Me rikrom man ap hako lab, hoi was dran leskro mui. Un rikrom halauter an miro dji, hoi lo rakras.

Debleskri gili 104:34

Mu well miri gili leske shukar! Me hom bachtelo pral miro baro Debleste.

Debleskri gili 112:1

Sharedo well o baro Dewel! Bachtelo hi kowa, kai djiwell o baro Debleha, un rikrell pes o tselo djijestar ap leskre laba.

Debleskri gili 119:1

Har bachtelo hi kolla, kai jaake djiwenna, te hunte tchingrell o Dewel gar lentsa, kolla, kai ap o baro Debleskro drom djana.

Debleskri gili 119:11

Me rikrau tiro lab an miro dji, te anap kek doosh ap mande.

Debleskri gili 119:35

Ab mange ap i rig, te rikrap tire laba! Shukar hi le mange.

Debleskri gili 119:72

Tiro drom kamau me budeder har bud serja kotja sonakai un rup.

Debleskri gili 119:92

Te woms gar bachtelo te djap tiro drom, palle meroms, jaake phares his miro djipen.

Debleskri gili 40:8

Doleske penom tuke: Ake hom. Me krau, hoi mandar tchinlo hi an o liil:

Debleskri gili 88:1

I gili o rajeske pral i gipangre, te giwell har koi gili ‘Mahalat Leannoth’. Kai gili kras jek dran i familja Korach. O Heman dran i familja Esra tchinas kal laba.

Jeremia 15:16

Baro Dewel, tu rai pral o bolepen un i phub, me hom tiro. Jaake was tiro lab miro chapen hako kopo, kai me kowa shunau. Te shunau tiro lab, giwell miro dji, un well pale sorelo.

Louka 18:7

Har bud feteder hi o Dewel! Patsenn tumer gar, te well lo ap i rig peskre wi-rodede menshendar, kai diwes un rati ap leste gole denna? Awa, job well ap lengri rig un dell len lengro tchatchepen. Lell lo pes bud tsiro, te well lo ap lengri rig?

Louka 2:37

Palle meras lakro rom. Un kanna his li ochta-deesh-te-star bersha phuro. Un joi his o tselo diwes un i tseli rati an o Debleskro baro kheer, te mangell li o Debles an. Un bud kope chas un pijas li tchi o Debleske.

Remarja 7:22

Miro dji kamell te krell, hoi o Dewel penella.

1. Tessalonikarja 2:9

Mire phrala, tumer djinenna, har phari mari budi his, har hams pash tumende, un sikram tumende o Debleskro drom. Ap o diwes un an i rat budram, te djiwas gar dran tumari possita.

1. Timoteo 4:15

Kre kowa lauter tiro tselo djijeha un tiri tseli sorjah, te dikell hakeno, kai tiro patsepen bareder wella!

2. Timoteo 1:3

Hako diwes un haki rati mukau gar tele, te parkrap man pash o Debleste tuke, un te mangap o Debles tuke. Job hi kowa, koleske budrau me o djudjo djijeha, jaake har ninna mire phure kowa kran.

Josua 1:8

Pen tuke kol laba glan, hoi an ko liil tchinlo hi! Ap o diwes, har an i rat, muk len tuke an tiro shero trujel te djal, te rikress un kress halauter, hoi an ko liil tchinlo hi. Palle djal tuke halauter mishto, un kowa, hoi kreh, well mishto.

1. Johanni 5:3

Maro kamlepen o Debleske sikrell pes, te krah mer kowa, hoi job menge penella. Un kowa, hoi job menge penella te kras, kowa hi gar pharo.