Daniel 9:7 - O Debleskro Drom 2021 (Sinte)

⁷ Tu, rai, hal an o tchatchepen. Un mer hunte ladjas men, mer, kai wah dran o them Juda un dran o foro Jerusalem, ninna dran o tselo them Israel. Mer kram tchilatcho koowa ap tute. Doleske tradal men an wawar themma, kai dur hi un kai gar jaake dur hi, te djiwas buder gar khetne.

O Debleskro Lab 2024 (Sinte-Manouche)

⁷ Tou, ray, hal an o čačepen. Oun mer hounte ladjas men, mer, kay vah dran o them Youda oun dran o foro Yerusalem, ninna dran o tselo them Israel. Mer kram čilačo koova ap toute. Doleske tradal men an vavar themma, kay dour hi oun kay gar yaake dour hi, te djivas bouder gar khetne.

Daniel 9:7 ပူးပေါင်းရင်းမြစ်များ

Esra 9:13

Un har ko tselo tchilatcho koowa kram un jaake bud doosh ap mende anam, was kai bari bibacht ap mende. Ach, maro Dewel, tu rikral tut pale un dal men gar koi phagi, hoi hunte lams. Un mukal mendar sawe djides, kai wan dran o pandepen pale win, un wan pale kate an o them Israel.

Esra 9:15

Baro Dewel, tu o Israeleskro Dewel, hal an o tchatchepen tardo un lal men, kai pral atcham, win dran o merepen, jaake har kau diwes hi. Dik, kate ham glan tute an mari doosh, un djinah, mer nai atchah gar tardo glan tute!”

Nehemia 9:33

Tu hal an o tchatchepen tardo, har anal kowa lauter pral mende. Kowa, hoi tu kral, his mishto, ninna te djiwam mer jaake, har te wals men kek Dewel.

Debleskri gili 119:137

Baro Dewel, tu hal an o tchatchepen tardo, un tire tchatchepaskre laba hi mishto.

Debleskri gili 44:15

I menshe an wawar themma rakrenn laba sapaske pral mende, un tchiwenn pengre shere jek rigjatar ap i wawar pal mende.

Debleskri gili 51:14

Muk man te dikell, kai hal pash mande, te sal miro dji pale! De man i dji, hoi shunell ap tute!

Debleskri gili 51:4

Thob miri doosh mandar tele, un le ko tselo tchilatchepen mandar krik, te wap pale djudjo!

Jesaja 11:11

Un ap ko diwes hadell o Dewel peskro wast i duito kopo, te ginell lo kolen win, kai peskre menshendar pral atchan an i themma Assur un Egiptia, Patros, Kush, Elam, Shinar, Hamat, un an kol panjeskre themma.

Jesaja 45:16

Jon halauter, kai pen chochene deblen kran, hunte wenn wi-ladjedo koi tardo, un hunte wenn lolo i ladjatar.

Jeremia 12:1

Baro Dewel, kamoms gar te penap, kai tu doosh ap tute anal. Djinau, tu hal an tiro tchatchepen. Ninna te hi jaake, kamau te putchap tutar, har nai haiwap tiro tchatchepen. Hoske djal kolenge mishto, kai djiwenn i tchilatcho djipen? Hoske hi kolen, kai tutar krik djan, halauter, hoi len hunte well?

Jeremia 23:6

An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

Jeremia 24:9

Me anau sawi bibacht pral lende, te atchell i menshenge an i tsele themma ap kai phub o rakepen krik. Kote, kai len tradau, wenn le sapaske un praassepaske. Te kamell jek o wawares te praassell, penell lo: Tuke te djal har kol menshenge dran Jerusalem un Juda!

Jeremia 3:25

Mer hunte ladjams men, un mari ladj hunte tchakrals men har i plachta! Maro tselo djipen djiwam jaake, har o baro Dewel, maro rai, gar kamas. Mer un mare phure djiwam jaake, un shunam gar ap kowa, hoi job menge penas, te kras mer.

Jeremia 32:32

Kowa hunte krap dran ko tselo tchilatchepen, hoi i menshe dran Israel un Juda kran, te choirenn le man. Jon, lengre bare raja, pralstune, rashaja un rakepangre, ninna kolla, kai djiwenn an o foro Jerusalem,

Jeremia 33:16

An ko tsiro wenn i menshe an Juda win lino dran i tchilatche wasta, un kolla an Jerusalem nai djiwenn kek darjah. Un o foro well kharedo ‘o baro Dewel krell men tchatcho’.

Jeremia 4:17

Jon tchiwenn pen trujel o foro Jerusalem, har kol mursha, kai denn garda ap i kotar phub. Tumer menshe an Jerusalem mukan tumenge tchi mandar te penell. Kowa penell o baro Dewel.

Jeremia 7:19

Mange krenn jon koweha kek duka, penell o baro Dewel. Ap pende kokres anenn le ladj.

Ezekiel 16:63

Me lau tiri tseli doosh tutar krik, hoi ap tute anal. Te well tuke palle tiro phuro djipen an o shero, ladjeh tu, un nai kreh tiro mui buder gar pre i ladjatar. Kawa penau me, o baro Dewel, tiro rai.

Ezekiel 36:31

Un palle well tumenge an o shero, har tchilatcho kowa his, hoi kran un har djiwan. Un ko tselo tchilatcho koowa, hoi kran, un har i chochene deblen an-mangan, well tumenge tchadepaske.

Ezekiel 5:10

I tsiro well, kai chan dada pengre tchawen mashkral an Jerusalem, un tchawe chan pengre daden. Jaake pharo well miri phagi, hoi dau tumende. Un halauter, kai tumendar pral atchenn, wenn win tradedo ap hake rigja.

Ezekiel 6:12

Kolla, kai an i dur them hi, merenn ap o nasslepen. Un kolla, kai djiwenn an o them Israel un trul o them trujel, kolla merenn an o kurepen. Un kolla, kai pral atchenn, merenn i bokatar. Jaake krau lentsa, bis te miri choli trujel hi.

Daniel 9:14

Un jaake dal tu jak, baro Dewel, te well koi bari bibacht pral mende. Tchatchepah, tu maro baro Dewel hal an o tchatchepen an halauter hoi kreh. Un mer shunam gar ap tute.

Daniel 9:18

Miro Dewel, shun miro mangepen! Kre tire jaka pre un dik i tele-phagede barra ko forestar, hoi pal tiro lab kharedo hi. Glan tute ham tchiddo maro mangepah un dikah gar ap o tchatchepen hoi mer krams, na-a mer dikah ap tute, te kress tu tiro baro dji menge pre.

Daniel 9:8

Awa, baro Dewel, mer hunte ladjas men, mer, mare raja, mare pralstune un mare phure, te kram tchilatcho koowa ap tute.

Amos 9:9

Me rakrau un kowa djal jaake: Jaake har djob an i sieba pal hake rigja witsedo well, un i djoba win perenn, un i barra dren atchenn, jaake krau, te well o kheer Israel pal hake rigja witsedo an kol themma, kai le tradedo wan.

Remarja 6:21

Kowa, hoi kran, his tchi moldo. Tumer kran sawo koowa, koleske kai diwes ladjenn tumen. Sawo koowa anell an o merepen dren.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.

5. Mose 4:27

O baro Dewel tradell tumen mank i menshende an i tsele themma, jekes kate un ko wawares kote. Gar bud menshe atchenn tumendar djido mank kol menshende an i wawar themma, kai o baro Dewel tumen tradas.